Колкави плати даваат нашите банки и која плаќа најдобро?

Добивај вести на Viber

„Фактор“ обработи податоци за седум домашни деловни банки за кои има јавно-достапни податоци затоа што нивните акции котираат на нашата берза. Сите банки кои се рангирани се грижат за своите вработени и нивните примања за првите девет месеци пораснале до 8%. Најдобро, иако е мала предноста, плаќа НЛБ Банка, а најголем раст на трошоци за своите вработени имаат Комерцијална банка и ТТК Банка

Деловните банки во земјава имаат имиџ на едни од најдобрите работодавачи. Така е и годинава затоа што официјалните податоци достапни на берзата покажуваат дека, освен што имаат зголемени добивки, банките вложуваат повеќе пари и во нивните вработени.

„Фактор“ анализираше податоци за седум деловни банки чии акции котираат на Официјалниот пазар на берзата. Во билансите за успех за првите девет месеци кои ги објавуваат банките распложливи се трошоците за вработените. Во тие ставки се содржани трошоците за нето плати и за придонеси, а во многу мала и занемарлива мерка и евентуални трошоци за отпремнини или пензионирање.

Сите седум банки во првите девет месеци годинава покажале зголемено ниво на грижа за своите вработени изразено преку зголемените трошоци за нив.

Подолу се податоците за сите седум банки чии акции котираат на берза и за кои има официјални податоци извлечени од најновите биланси на успех.