16 Јули, 2019
0.0205

Колкави се месечните скриени трошоци за водење сметка во македонска банка

Објавено во: Финансии 11 Декември, 2018

ГФК Скопје, меѓународна агенција за истражување на пазар, спроведе анализа за цената на банкарската услуга за приматели на плата во поголем број на банки кои оперираат на македонскиот пазар, а резултатите од октомвриското истражување откриле дека месечниот трошок на клиентот може да се движи од околу 550 до околу 650 денари во зависност од банката, објави Капитал.

Првите впечатоци од истражувањето покажуваат дека банките наплатуваат одделно за секоја услуга, некои провизии на месечно ниво, некои на годишно и клиентите немаат точна и транспарентна слика за нивниот месечен трошок во банката во која примаат плата. Клиентите често пати имаат недоумица колкав е трошокот за е-банкарство, колку често се наплатува, еднократно, месечно или годишно и затоа некои од нив се двоумат дали да го користат или не. Вакви дилеми има и за провизиите за СМС известување, плаќања во земјата и странство, м-банкарство, затворање на сметка и слично.

Aнализата покажува дека банките во Македонија имаат низок трошок за одржување на сметка, но секоја друга услуга се наплаќа многу повеќе. Прашањето тука е дали клиентите се свесни за сите овие трошоци и дали се свесни кои опции ги имаат во останатите банки на пазарот. Како што покажува ова истражување, најголем дел од банките, наплатуваат 11% камата за дозволено пречекорување на сметка, што е воедно и максималната каматна стапка која може да ја наплатуваат банките согласно регулативата на НБРМ.

Некои од банките нудат можност за бесплатни повлекувања од банкомати на други банки, а доколку граѓаните ја немаат оваа опција банките наплатуваат провизии од 60 до 300 ден при една трансакција.

Банкарските експерти се согласни дека клиентите мора да имаат доволно информации за тоа кои се трошоците за банкарските услуги и со колкава фреквенција тие се наплаќаат со што ќе се елиминираат скриените трошоци. Најчесто се предлага воведување на еднократен надомест за сет на банкарски услуги, така клиентите ќе имаат прецизни информации што и како платиле и нема да се воздржуваат од користење на банкомат или електронско банкарство, нема да бројат колку СМС пораки им наплатиле и дали да го променат пинот на картичката или не. Скриените трошоци мора да станат видливи со што ќе се подобри и довербата во банкарските институции.


Можеби ќе ве интересира

ДУИ бара од Заев да ја стави Бежовска за министер

ДУИ бара од Заев да ја стави Бежовска за министер

Поради Германците во овој српски град скокнаа цените на становите

Поради Германците во овој српски град скокнаа цените на становите

Анѓушев на средба со ММФ: Економијата расте, невработеноста опаѓа

Анѓушев на средба со ММФ: Економијата расте, невработеноста опаѓа

Мали даноци - големи неданочни и парафискални давачки

Мали даноци - големи неданочни и парафискални давачки

Аргир реименуван за директор на НЛБ Банка

Аргир реименуван за директор на НЛБ Банка

ЕУ и за Бугарија ќе одлучува во октомври

ЕУ и за Бугарија ќе одлучува во октомври

За собарките од Филипини нудат 650 евра и бесплатен aвионски билет

За собарките од Филипини нудат 650 евра и бесплатен aвионски билет

Ова е најскапиот град на светот за странци

Ова е најскапиот град на светот за странци

Поради високите плати ова е земја од соништата

Поради високите плати ова е земја од соништата