26 Ноември, 2022
0.0293

КОЛКУ Е СТАБИЛНА КОАЛИЦИЈАТА НА ЏОРЏА МЕЛОНИ: Десничарите можеби дојдоа на власт во Италија, но прашање е колку ќе опстанат!

Објавено во: Свет 26 Септември, 2022

Добивај вести на Viber

Џорџа Мелони помина три децении борејќи се да го достигне врвот на италијанската политика. Но, и покрај нејзината политичка моќ, 45-годишната Римјанка, која е споредувана со Маргарет Тачер поради нејзината силна волја и решителност, има ограничено искуство во владата.

Доколку Мелони биде потврдена како премиер во следните неколку недели, ќе има задача да ја води Италија низ еден од нејзините најделикатни периоди, соочувајќи се со огромни предизвици од енергетската криза и високата инфлација до можна рецесија и зимски бран на Ковид.

Според прелиминарните резултати, нејзината централнодесничарска коалиција има меѓу 41 и 45 отсто од гласовите.

Сепак, нејзиниот најнепосреден предизвик ќе биде составување кабинет доволно погоден за управување и доволно силен за да трае. Лице блислко до Мелони изјави за Гардијан минатата недела дека таа е подготвена да биде премиер, отфрлајќи ги гласините, кои се појавија кон крајот на кампањата, дека таа е во паника поради застрашувачката задача.

Која е Џорџа Мелони: Од пофалби за Мусолини до историски успех-најверојатно нова италијанска премиерка

Мелони се соочува со предизвикот да најде соодветни министри за нејзината партија, Италијанските браќа, која има неофашистичко потекло. Една од нејзините најважни одлуки ќе биде кој ќе го преземе кормилото во Министерството за финансии. На почетокот на изборната кампања, таа за оваа функција го именуваше Џулио Тремонти, министер за финансии во сите поранешни влади на Силвио Берлускони, од кои последната ја доведе Италија на работ на финансиски колапс.

Друга закана за стабилноста на нејзината можна влада може да дојде од нејзината коалиција, составена од екстремно десничарската Лига на Матео Салвини и Форца Италија на Берлускони. Алијансата се обиде да претстави обединет фронт, но Салвини, чија популарност опадна поради подемот на Мелони, не е заинтересиран за изгледите таа да стане премиер, особено затоа што тоа е улога што тој долго време ја посакуваше.

Во октомври минатата година, откако италијанските браќа ги одзедоа гласовите од Лигата во нејзините северни упоришта на локалните избори, се појави тајна снимка на која Салвини го нарекува Мелони „трн во зад***от“.

Ривалството меѓу нив оттогаш тлее, и иако имаат неколку заеднички политики, тие неодамна се судрија околу една од најважните теми во моментот – санкциите против Русија поради војната во Украина. Мелони вети дека нејзината влада ќе продолжи да ги поддржува санкциите, додека Салвини ги критикуваше дека ја „фрлиле Италија на колена“.

Надја Урбинати, политички теоретичар на Универзитетот Колумбија во Њујорк и Универзитетот во Болоња, рече дека доколку „италијанските браќа“ го освојат мнозинството од гласовите, Мелони „природно“ ќе биде лидер на коалицијата. „Салвини е во опаѓање, а за мегаломан како него, ова би било неподносливо, па веројатно ќе има психолошка напнатост“.

Во меѓувреме, се вели дека и Берлускони не е воодушевен од идејата Мелони, која беше министер за млади во неговата трета влада, да стане премиер.

Дел од шармот на Џорџа Мелони и она што гласачите го сакаат кај неа е нејзината способност да им се спротивстави на двајцата мажи, но одржувањето на единството ќе биде речиси невозможна задача во наредните месеци, со оглед на личните ривалства, вели Волфганг Пиколи, копретседател на истражувачката компанија Тенео.

„Слабите перформанси на Лига и Форца Италија [на изборите] потенцијално ќе го комплицираат животот на Џорџа Мелони, па затоа ќе биде важно да ги држиме на поводник, бидејќи во спротивно тие ќе почнат да прават врева, особено на темите што Мелони тешко може да ги реши како што се пензиите и санкциите против Русија“, рече тој.

Мелони, исто така, ќе треба да ја задржи популарноста и довербата на нејзините избирачи додека се движи низ предизвиците што претстојат во наредните месеци.

„Она што го видовме за италијанскиот електорат во последните 10 години е дека е многу нестабилен“, рече Пиколи. „И, исто така, она што го гледаме е дека политичките партии стануваат многу популарни многу брзо, но тие паѓаат на изборите исто толку брзо“.

„Тоа е предизвик за Мелони, особено ако имаме тешка зима и работите остануваат комплицирани со Украина или стануваат покомплицирани“, додаде тој.

Извор: Гардијан

Фото: Инстаграм

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

НАПАДНАТА АМЕРИКАНСКА БАЗА: Реакција на Пентагон

НАПАДНАТА АМЕРИКАНСКА БАЗА: Реакција на Пентагон

РУСИЈА ВО АВГУСТ САКАЛА ДА ЈА НАПАДНЕ ЈАПОНИЈА, НО СЕ ОДЛУЧИЛА ЗА УКРАИНА: Протекуваат информации

РУСИЈА ВО АВГУСТ САКАЛА ДА ЈА НАПАДНЕ ЈАПОНИЈА, НО СЕ ОДЛУЧИЛА ЗА УКРАИНА: Протекуваат информации

ВИДЕО: КАДЕ И ДА СЕ ПОЈАВИ, МАКРОН ДОБИВА ШЛАКАНИЦИ:Францускиот претседател се повеќе е на мета на незадоволните граѓани

ВИДЕО: КАДЕ И ДА СЕ ПОЈАВИ, МАКРОН ДОБИВА ШЛАКАНИЦИ:Францускиот претседател се повеќе е на мета на незадоволните граѓани

СЕ ПРАВИ НОВА ЛИСТА НА ПАТОГЕНИ ОД КОИ МОЖЕ ДА ИЗБИЕ ПАНДЕМИЈА: Болест Х, новата високоризична закана

СЕ ПРАВИ НОВА ЛИСТА НА ПАТОГЕНИ ОД КОИ МОЖЕ ДА ИЗБИЕ ПАНДЕМИЈА: Болест Х, новата високоризична закана

СЕ ИСПОЛНУВА СОНОТ НА СЕКОЈ ИСЕЛЕНИК ОД БАЛКАНОТ:Германија планира да го олесни процесот за добивање државјанство

СЕ ИСПОЛНУВА СОНОТ НА СЕКОЈ ИСЕЛЕНИК ОД БАЛКАНОТ:Германија планира да го олесни процесот за добивање државјанство

КОРОНА ВИРУСОТ ПОВТОРНО СЕ ШИРИ: Рекорден број на случаи во Кина, расте вирусот на национално ниво

КОРОНА ВИРУСОТ ПОВТОРНО СЕ ШИРИ: Рекорден број на случаи во Кина, расте вирусот на национално ниво

Факти кои можеби не сте ги знаеле за Катар

Факти кои можеби не сте ги знаеле за Катар

Путин пред мајките на војниците изјави дека не жали што ја почнал војната

Путин пред мајките на војниците изјави дека не жали што ја почнал војната

(ВИДЕО) Катар има свој „град на духови“ кој е атракција

(ВИДЕО) Катар има свој „град на духови“ кој е атракција