24 Март, 2019
0.2455
    ADIN 691    0%     ALK 8430.59    0.36%     GRNT 826.25    2.01%     KMB 5672.66    -0.24%     MKSD 211    -0.27%     MPOL 389    0%     MTUR 5030    -1.37%     RMDEN17 98    -0.28%     RZLE 18    -14.29%     STB 1180    -1.31%     STIL 112.87    -0.99%     UNI 2300.35    0%

Колку македонски мировници ќе завршат во мисиите во Авганистан, Либан и БиХ?

Објавено во: Македонија 15 Март, 2019

Македонската армија се подготвува за три нови мировни мисии во странство, а Министерството за одбрана веќе донело одлука за распределба на војници во три странски операции. Според предлог одлуките поднесени од министерката Шекеринска најголем контигент од 41 војник на АРМ ќе заврши во Авганистан, каде повеќето од нив ќе имаат задача да дадат асистенција на командата на мисијата „Одлучна поддршка“ во Кабул.

Македонските војници во Авганистан ќе бидат распоредени на следниот начин, по три штабни старешини на Армијата, во Главната Команда на мисијата во Кабул, за период од 6 месеци, 25 припадници на АРМ во Единицата за заштита на силите на Главната оперативна команда во Кабул, исто така за период од 6 месеци, како и 13 штабни старешини на Армијата, во Командата за обука, советување и асистирање во Кабул, за период од 6 месеци.

Финансиските трошоци за плати и надоместоци на плати на припадниците на Армијата за време на извршувањето на мировната операција во Авганистан, ќе бидат на товар на Министерството за одбрана, додека пак трошоците за транспорт, сместување и исхрана ќе ги обезбедат партнерските земји.

Северна Македонија свое учество има и во мировната мисија во Либан под водство на Обединетите нации која е постојана. Таму мирот ќе го одржуваат тројца македонски војници, еден штабен офицер во Здружениот оперативен центар на мировната операција за период од 12 дванаесет месеци и двајца штабни офицери во Командата на здружените наменски сили на Армијата на Република Италија - Сектор „ЗАПАД“, за период од 6 месеци. Финансиските трошоци за плати и надоместоци за време на извршувањето на мировната операција, ќе ги обезбеди Министерството за одбрана, а трошоците за транспорт, сместување и исхрана се на товар на ООН и Италија.

Продолжува и праксата на испраќање на припадници на македонските вооружени сили и во БиХ која е во нашето непосредно окружување, а станува збор за кадри од воздухопловството. Во мисијата АЛТЕА е предвидено да биде испратен еден припадник на АРМ на позицијата штабен офицер во Команда на ЕУФОР „АЛТЕА“, за време од 6 месеци. Трошоците за плати, надоместоци, логистика, како и за подотовка и организација паѓаат на товар на Министерството за одбрана.

Верификација на предлог одлуките на Министерството за одбрана треба да биде дадено и од страна на Собранието, за што веќе се одржа седница.

Одлуките беа ставени на дневен ред пред пратениците кои позитивно се изјаснија со што Северна Македонија ќе продолжи да дава свој придонес во мировните мисии предводени од стратешките партнери и сојузници, како од НАТО, така и од ООН и ЕУ.

По завршувањето на учеството во мировната операција, Владата на Република Северна Македонија е должна да поднесе извештај пред Собранието.

Х.С.

Можеби ќе ве интересира

ФОКУС НА ДЕНОТ: Спасовски нема да дозволи уцени, кој има лиценци за одгледување на канабис?

ФОКУС НА ДЕНОТ: Спасовски нема да дозволи уцени, кој има лиценци за одгледување на канабис?

Пожари беснеат во Македонија, оган се шири кон Кавадарци

Пожари беснеат во Македонија, оган се шири кон Кавадарци

Спасовски за писмото од ИВЗ: Сметаме дека заканите се неприфатливи

Спасовски за писмото од ИВЗ: Сметаме дека заканите се неприфатливи

ВМРО-ДПМНЕ: Млад роднина на Хари Локвенц добил концесија за ординација

ВМРО-ДПМНЕ: Млад роднина на Хари Локвенц добил концесија за ординација

Османи побара „награда“ од Европската комисија и за доброто чување на границата

Османи побара „награда“ од Европската комисија и за доброто чување на границата

Скопскиот бискуп ги повика посетителите да бидат пристојни за време на литургијата на Папата Франциск

Скопскиот бискуп ги повика посетителите да бидат пристојни за време на литургијата на Папата Франциск

Познат слоганот под кој Пендаровски оди на избори

Познат слоганот под кој Пендаровски оди на избори

ВМРО-ДПМНЕ: ИСИС добија три пати помали казни

ВМРО-ДПМНЕ: ИСИС добија три пати помали казни

Академик Изет Зеќири: 45,6 отсто од семејствата со помош за трето дете беа албански, затоа се укинува

Академик Изет Зеќири: 45,6 отсто од семејствата со помош за трето дете беа албански, затоа се укинува