20 Септември, 2019
0.0237

Колку милиони евра вреди бизнисот на најголемите приватни болници?

Објавено во: Економија 15 Април, 2019

Во услови кога јавно-приватното партнерство како модел во здравството ја бранува јавноста „Фактор“ направи анализа на најголемите и успешни четири приватни болници ( две клинички болници, една општа и една специјализирана) кои растат и успешно егзистираат. Дали тие можат да бидат мотор на реформата на јавниот здравствен сектор?

Големата четворка приватни медицински центри (клинички, општа и специјална приватна болница) во земјава лани оствариле вкупни приходи од продажба медицински услуги кои надминуваат 61 милиони евра, покажува анализата на скратените искази достапни во ЦРМ на најголемите приватни болници во земјава: скопските „Аџибадем Систина“, „Жан Митрев“, „Ре Медика“ и „Плодност“ од Битола.

Убедливо најголем учесник на пазарот на продажба на медицински услуги во приватното здравство е скопската клиничка болница „Аџибадем Систина“. Оваа компанија лани имала приходи од медицински услуги вредни 35,1 милиони евра и тие во споредба со 2017 година бележат раст на вредноста за 5,2 отсто. „Аџибадем Систина“ лани остварила добивка од 4,12 милиони евра и стапката на профит во однос на приходите е повисока од 11 отсто. Воедно „Аџибадем Систина“ е приватната клиничка болница со најголеми профит во апсолутен износ во споредба со другите приватни болници. Оваа клиничка болница е голема македонска компанија и од аспект на вработувањето. Лани таа вработила 941 вработено лице. Приходот по вработен (просечно за лани) изнесува 37.301 евро, а профитот по вработен е 4.378 евра.

Според износот на приходи на второ место е приватната клиничка болница „Жан Митрев“ која лани остварила приходи во износ од 15,8 милиони евра и тие се за 8 отсто пониски од 2017 година. Оваа болница, најпозната по операциите на срце, лани вработувала 265 лица, а остварила добивка од 1,55 милиони евра и ја дуплирала добивката во однос на 2017 година. Приходот по вработен (просек) изнесува 59.623 евра, а профитот по вработен (просечно) е на ниво од 5.949 евра.

Трето рангирана, според остварените приходи лани, е приватната општа болница „Ре Медика“ од Скопје. Нејзиниот приход лани е 8 милиони евра, а добивката е безмалку 1 милион евра. Во однос на 2017 година приходите бележат раст од 6,3 отсто. Профитот изнесува 964.840 евра и во однос на 2017 година бележи раст од 29 отсто. Овој резултат болницата го постигнала со намален број на вработени. Во 2018 година таа вработувала 216 лица, за 8 лица помалку од 2017 година.

Специјалната болница по гинекологија и акуштерство „Плодност“ од Битола лани направила приход од 2,8 милиони евра и прокнижила раст на приходот во однос на 2017 година од 15,7 отсто. Добивката на „Плодност“ лани била 355.200 евра и таа пораснала за 83 отсто во однос на 2017 година. Лани „Плодност“ вработувала 87 лица и нивниот број пораснал за 5 лица во однос на 2017 година.

Колкава е продуктивноста во приватните болници?


Р. Ф. 

Можеби ќе ве интересира

РАСТ НА БДП ЗА 28 ГОДИНИ: Турција и Словенија направиле бум, Македонија далеку зад нив

РАСТ НА БДП ЗА 28 ГОДИНИ: Турција и Словенија направиле бум, Македонија далеку зад нив

Ангеловска: Со субвенции за покачување на платата во приватниот сектор ќе се подобри продуктивноста

Ангеловска: Со субвенции за покачување на платата во приватниот сектор ќе се подобри продуктивноста

Преку бизнис клуб македонски и швајцарски компании ќе ја зголемуваат деловната соработка

Преку бизнис клуб македонски и швајцарски компании ќе ја зголемуваат деловната соработка

Прогресивниот данок пресели дел од бизнисите надвор

Прогресивниот данок пресели дел од бизнисите надвор

ПАТАРИНИ: Колку чинат и на кој начин се плаќа со готовински и со банкарски но и со бесконтактни смарт картици

ПАТАРИНИ: Колку чинат и на кој начин се плаќа со готовински и со банкарски но и со бесконтактни смарт картици

Арсовски: Инвеститорите веруваат во стабилни банки како ТТК Банка

Арсовски: Инвеститорите веруваат во стабилни банки како ТТК Банка

Најбогатиот српски бизнисмен по 13 години подготвен повторно да инвестира во Македонија

Најбогатиот српски бизнисмен по 13 години подготвен повторно да инвестира во Македонија

Банки и пензиски фондови поседуваат над 1,6 милијарди во записи

Банки и пензиски фондови поседуваат над 1,6 милијарди во записи

На Словенците им требаат 4.500 работници

На Словенците им требаат 4.500 работници