Колку пари имаат Русите во Швајцарија?
Објавено во: Економија 01 Декември, 2022
Во банките во Швајцарија има 46,1 милијарда франци на руски граѓани или компании.
Швајцарија објави дека во нејзините банки Русите чуваат 46,1 милијарда франци (46,4 милијарди евра). Швајцарија, иако не е членка на Европската Унија(ЕУ), ги поддржа санкциите на ЕУ кон Русија, откако Москва почна инвазија врз Украина во февруари.
Со санкциите, меѓудругото, е забрането примање депозити поголеми од 100.000 франци од руските граѓани и правни лица, компании или организации.
Постојните депозити поголеми од тој износ мора да бидат пријавени во швајцарскиот Државен секретаријат за економски работи до почетокот на јуни. Секретаријатот соопшти дека 123 граѓани и правни лица со банките во Швајцарија оствариле 7.548 „деловни односи“ во вкупна вредност од 46,1 милијарда франци. Уште 294 „деловни односи“ во износ од 400 милиони франци (405,6 милиони евра) се остварени со Белорусија. Оваа земја е близок сојузник на Русија.
ЕУ ги замрзна парите на руските државјани во нивните банки со цел да ги употреби за обнова на Украина. Неколку руски бизнисмени се откажаа од руските државјанства.
Можеби ќе ве интересира
„НИКОЈ НЕ МИ ВЕРУВАШЕ ДЕКА ВО РЕСТОРАНОТ МОЖАТ ДА СЕДАТ И СЕМЕЈНО ДА РУЧААТ ЛУЃЕ ОД ПОВЕЌЕ НАЦИОНАЛНОСТИ“ - Дабевски за искуството со „Кораб Трница“ за „Бизнис муабети“
КОИ СЕ ШПЕДИТЕРИТЕ КОИ ТРИЈАТ РАЦЕ, А ЌЕ СЕ ОФАЈДАТ ОД ЧОКОЛАДИ - еве како „Европа“ ќе ја распредели својата ланска добивка
ММФ: Maкедонија годинава ќе има економски раст од 2,7 отсто
ВРАБОТЕНИТЕ ВО ПОШТИ СЕ ЗАКАНИЈА СО ШТРАЈК: Доведени се во прашање повеќе од 2.000 работни места
ПРЕКУВРЕМЕНА РАБОТА ВО ГЕРМАНИЈА - како се плаќа и оданочува, и колку прекувремени часови смеете да имате
Economic Watch: Германскиот добавувач на автомобилски делови со доверба продолжува со инвестициите во Кина
„КОГА ИЗЛЕГОВ ОД ‚ЗДРАВЈЕ РАДОВО' ИМАВ ВО ЏЕБ ДВА ДО ТРИ МИЛИОНИ ЕВРА“ - бизнисменот Јован Дабевски ексклузивно за „Бизнис муабети“ на Фактор
