26 Октомври, 2020
0.0206

КОЛКУ ПАРИ ЌЕ ЗЕМАТ ОД СТЕЧАЈНАТА МАСА - доверителите ги пријавиле своите побарувања

Објавено во: Економија 09 Септември, 2020

Во понеделникот заврши рокот до кој сите доверители на Еуростандард банка требаше да ги пријват своите побарувања до стечајниот управник Душко Тодевски, а за кои потоа ќе очекуваат дека треба да бидат подмирени од сречајната маса.

Всушност, своите влогови не требаше да ги пријават само штедачите до 30 илјади евра, кои своето обесштетување ќе го очекуваат од Фондот за осигурување депозити, додека сите други доверители за своите побарувања требаше писмено да го известат стечајниот управник.

За ова пред неколку дена извести и самиот стечаен управник.

Како побарувања кои ќе треба да се подмируваат од стечајната маса, како што информира и Тодевски, се сметаат побарувања по основ на извршени усуги или доставени производи до банката, платени аванси по различни основи, фактури, повеќе платени надоместоци за услуги кои не се искористени или се користени помал период од оној наведен во договорот, на пример платен надоместок за користење сеф во текот на една година, а сефот се користел пократок период, како и други побарувања кои произлегуваат од облигационо-правен однос со банката.

Според одредени информации, се пријавиле околу 2.000 доверители, но не се знае која сума ја побаруваат од стечајната маса на Еуростандард банка.

Тие ќе мора да почекаат додека се случи првото рочиште, кое е закажано на 8 октомври оваа година, а на кое всушност ќе се утврди точната состојбаа на сите побарувања.

Што значи дека тогаш точно ќе се знае колку пари ќе треба да се исплатат од стечајната маса.

Она што потоа вообичаено се случува за време на стечајни постапки, е стечјниот управник да наплатува побарувања кои ги имала банката или да продава нејзин имот, па како ќе легнуваат средства на сметката, така пропорционално би им се распределувале на доверителите.

Сопственикот на банката Трифун Костовски во неколку наврати кажа дека доколку паметно, брзо и ефикасно се води целата постапка, има средства за да се намират сите доверители од стечајната маса.

А во меѓувреме Фондот за осигурување на депозити ја привршува својата работа, па се очекува четирите банки исплатувачи до крајот на оваа недела да го стартуваат својот процес на обесштетување на штедачите. Тие или од нив ополномоштени лица ќе можат да ги подигнат преку банките парите во рок од три години, а и доколку не стигнат, можат потоа во секое време да си ги подигнат преку самиот Фонд за осигурување депозити.

Како што Фактор веќе пишуваше, сумата што Фондот ќе ја исплати, се намали од 71,5 милиони евра, на 68,2 милиони, или за 3,3 милиони евра.

До намалувањето дошло откако од обесштетување се избришани сите што покрај влогот, имале и некоја обврска или кредит кон банката, оние чии депозити се поврзани со перење пари, оние што штеделе со повластени каматни стапки, како и депозити на членови на Управниот или Надзорниот одбор, но и нивни роднини од прв степен.

Н.Н.Ф.

Можеби ќе ве интересира

Најголем пад на економијата во еврозоната по Втората светска војна

Најголем пад на економијата во еврозоната по Втората светска војна

Која метална индустрија го има лекот за короната?

Која метална индустрија го има лекот за короната?

Ќе се менува Законот за работни односи за да нема фиктивни откази

Ќе се менува Законот за работни односи за да нема фиктивни откази

Владата ги објави платите на вработените и советниците во кабинетот на Заев: Најплатени Верушевски и Нина Фити-Неделковска

Владата ги објави платите на вработените и советниците во кабинетот на Заев: Најплатени Верушевски и Нина Фити-Неделковска

Студија на почетокот од грејната сезона: Две третини од Македонците се уште се греат на дрва

Студија на почетокот од грејната сезона: Две третини од Македонците се уште се греат на дрва

Бизнисмени: Државата ни должи 300 милиони евра за неплатени фактури

Бизнисмени: Државата ни должи 300 милиони евра за неплатени фактури

Оштетени штедачи: Извештајот на стечајниот покажува дека од „Еуростандард“ се извлечени 60 милиони евра

Оштетени штедачи: Извештајот на стечајниот покажува дека од „Еуростандард“ се извлечени 60 милиони евра

Кавадарци се задолжува кај домашна деловна банка за изградба на градскиот пазар

Кавадарци се задолжува кај домашна деловна банка за изградба на градскиот пазар

Владата прифаќа да им плати три кирии на ноќните клубови

Владата прифаќа да им плати три кирии на ноќните клубови