Колку заработи лани Свето „Пивара“?
Објавено во: Финансии 30 Јули, 2018
Колку заработи лани Свето „Пивара“?
Еден од најуспешните македонски стопанственици – човекот што од Пивара Скопје направи светска компанија, а сега прави регионален лидер од македонскиот вински бренд „Тиквеш“ за пример на сите ги објави податоците за неговите лични примања лани. Претседателот на Управниот одбор на „Тиквеш“, каде работи про-боно, лани имал вкупни бруто примања од 82.750 евра
Светозар Јаневски, еден од најуспешните менаџери во земјава, и ко-сопственик во друштвото „М-6“ кое е најголем акционер во најголемата македонска винарска визба „Тиквеш“ лани има бруто пирмања од 82.750 евра по основ на плата, надоместоци од плата, надоместоци за членство, бонус, осигурувања и други права, наведено е во годишниот извештај за 2017 година на винарската визба „Тиквеш“. Јаневски е претседател на Управниот одбор на „Тиквеш“ и таа функција ја обавува про-боно односно бесплатно. Потегот на Јаневски е за поздравување затоа што ретко кој од успешните македонски бизнисмени ги објавува податоците за своите годишни примања. Иако Законот за трговски друштва предвидува примањата на менаџментотна бидат јавни. Особено вешти се банкарите кои избегнуваат да ги објавуваат своите примања (со чест на еден исклучок) и ја користат формулацијата „примања и награди на раководниот кадар). За жал ниту еден државен орган во земјава нема дефинирано право да постапува и да им наложи на менаџерите транспарентно и поединечно да ги објават своите приходи.
Потегот на Јаневски е за поздравување затоа што во секоја современо општество базирано на пазарна економија заработката на менаџерот е најголемо признание за неговиот успех и добро завршена работа.
Како работи „Тиквеш“?
„Тиквеш“ е убедливо најголем продавач на македонско флаширано вино во земјава и во странство. Лани неговата продажба достигна 20 милиони евра и тоа се над 104.000 хектолитри вино флаширано вино. Во продажбата на „Тиквеш“ и речиси подеднакво важни се домашниот и странските пазари. На домашниот пазар компанијата продала 51.462 хектолитри и остварила приходи од 13,66 милиони евра од кои над 10 милиони евра се од продажба на флаширано вино. Продажбата на флаширани продукти на домашниот пазар бележи раст од 8 отсто во споредба со 2016 година.
Извезени се 60.844 хектолитри флаширано вино и од тоа се инкасирани 9,6 милиони евра и тука има раст на приходите од 19 отсто во однос на 2016 година за разлика од домашниот пазар на кој приходот пораснал за 8 отсто.
Р.Ф.