КОМИСИЈАТА ЗА ЗАРАЗНИ БОЛЕСТИ ТВРДИ: Нема рестриктивни мерки по изборите, со ваква дисциплина нема да имаме никаков проблем
Објавено во: Македонија 15 Јули, 2020
Членовите на
Комисијата за заразни болести не планира да препорачува воведување на
дополнителни рестриктивни мерки по изборите. За Фактор велат дека се фокусирани
на иднината, односно на есенските месеци, но засега епидемиолошката состојба
укажува дека нема да планираат да се воведе полициски час во земјава во ниту
еден град.
-Од она што го гледаме денеска на терен, изборниот процес воопшто нема да предизвика зголемување на бројот на новозаразени. Дури можеме да кажеме дека граѓаните денеска многу подисциплинирано се однесуваат отколку во изминатиот период. Ако и понатаму се продолжи со носењето на маските, во секојдневниот живот, на улица, во маркети, на пазарите, да нема собири, бројот на новозаразени ќе оди во надолна линија, епидемиолошката крива ќе паѓа, велат од Комисијата за заразни болести.
Оттаму и посочуваат дека ќе сторат сè за да новата учебна година децата ја започнат во училишните клупи. Велат дека ќе ги следат примерите од странство кои дадоа добри резултати и дека ќе изнајдат најдобор решение за да образованието продолжи со физичко присуство. Очекуваат протоколи за безбедно одење во школо од Минситерството за образование, а потоа заеднички да донесат заклучок како ќе се изведува наставата во новата учебна година.
А.Б.