КОМИСИЈАТА ЗАСЕДАВА - утре ќе има одлука за полицискиот час, бројот на новозаразени намален
Објавено во: Македонија 07 Јуни, 2020
Во моментов, според сознанијата на Фактор, се одржува состанок на Комисијата за заразни болести.
Според нашите информации, кои се неофицијални, во последното деноноќие бројот на заразените е понизок во споредба со претходното, кога беа регстрирани 124 нови случаи позитивни на КОВИД-19.
Сепак, изворите на Фактор велат дека денеска заседава Комисијата, но за тоа дали ќе полицискиот час повторно ќе се врати во игра, конечната одлука ќе биде донесена во текот на утрешниот ден. Последниот збор ќе го има Владата, која на седница ќе одлучи како ќе се постапува во наредните денови.
Некои најави говорат дека полициски час најверојатно ќе нема, но ќе зајакнат контролите за тоа колку се почитуваат мерките за заштина од коронавирусот. Ова значи проверки дали се носат маски во затворени простории, но и на отворено каде што не може да се одржи потребната физичка дистанца.
Но, се ќе зависи од тоа какви бројки за новозаболени ќе доаѓаат во следниве денови. Ако се тие поволни, ќе се оди и на други олабавувања, а меѓу нив се размислува и за отворање на хотелите.
Н.Н.Ф.