КОМПАНИИТЕ ДА СЕ ЗДРУЖАТ: Зошто да извезуваме свежо овошје ако можеме кашички за деца
Објавено во: Економија 12 Февруари, 2020
Стопанствениците велат неминовно е здружување на компаниите преку заеднички настап на странските пазари и поттик на извозот.
Презентирајќи ги анализите во стопанската комора, потенцираа дека наместо државата да го зголеми потенцијалот таму каде што може, ние сеуште извезуваме свежо овошје.
-Наместо овошки кашички за деца, ние извезуваме свежо овошје-вели Дарко Лазаров, нагласувајќи дека земјоделско-прехранбениот сектор како еден од столбовите на домашната економија може да се развива преку нови извозни производи и извозни компании.
Тој сектор, како што се наведува може да го зголеми извозот бидејќи има над 20 производи кои се со таков потенцијал, туку набројувајќи го медот, преработката на овошје, конзервната индустрија...
Од друга страна, Ѓорѓи Петрушев смета дека преработувачката индустрија допрва треба да го најде патот до извозот и конкурентноста.
Првиот човек на Здружението на земјоделството и прехранбената индустрија ги кажа предизвиците за тој сектор посочувајќи дека предизвикот ќе биде поголем ако знаеме дека во она што го извезуваме доминација има свежото овошје и зеленчук односно производи со ниска додадена вредност.