Комплетиран составот: еве кој влегува во одборот на директори на Македoнска берза
Објавено во: Економија 21 Јуни, 2018
Билјана Ристова е нов неизвршен член на Одборот на директори на Македонска берза.
Ристова е вработена во Централниот депозитар за хартии од вредност, а во Одборот влегува на местото на Кирил Јовановски кој беше избран за нов член на Комисијата за хартии од вредност.
„Поради комплетирање на составот на Одборот на директори, Собранието на акционери на берзата донесе Одлука за избор на неизвршен член на Одборот на директори, согласно која за неизвршен член е именувана Билјана Ристова“, стои во објавата.
Освен Ристова во одборот на директори на берзата има уште четворица други неизвршни членови, двајца независни членови и еден извршен член, односно главниот извршен дииректор Иван Штериев.