Конечни податоци: Државата не ги потроши парите за капитални проекти
Објавено во: Економија 27 Јануари, 2020
Владата успеа да потроши за цела година лани само 78 отсто од планираните трошоци за капитални проекти. Станува збор за сума од речиси 290 милиони евра, а предвидени беа безмалку 370 милиони евра за цела година и тоа по намалувањето на сумата со ребалансот на буџетот за минатата година. Имено пред да се прекрои буџетската каса, за капитални трошоци за 2019 година беа предвидени 422 милиони евра.
Податоците за реализација на буџетот за минатата година, Министерството за финансии ги објави денеска, а покажуваат дека Владата усепала да ги собере најголем дел од приходите или реализацијатана приходната страна е речиси 97 проценти. Расходите се реализирани со 95 проценти, додека само капиталните се со помала реализација, односно потрошени се три четвртини од планираното.
Капиталните инвестиции иако речиси секоја година се реализираат послабо па се кратат со ребалансите, последните две години имаа значајно слаба реализација. Тоа се парите кои државата ги троши за капитални проекти за училишта, градинки, гасоводи. Министерката за финансии Нина Ангеловска во интервју за Фактор неодамна изјави дека има навистина добра реализација во декември од 6,7 милијарди денари, за проекти од транспортот, одбраната, гасификацијата, животната средина...
„Не велам дека сега треба да бидеме комфорни, бидејќи на крајот на годината имаме добра реализација. Треба да се стремиме работите да ги направиме подобри. Со алатката за транспарентност за објава на капиталните расходи по буџетски корисник пред два месеци и дадовме на јавноста моќ да врши притисок врз институциите да работат подобро во овој сегмент. Резултатите ги гледаме на крајот на годината. Исто така, при планирање на капиталните расходи за 2020 година земен е предвид и trackrecord-от на институциите од преходните години, изјави Ангеловска.
Можеби ќе ве интересира
НИШТО ОД НАМАЛУВАЊЕТО НА КАМАТИТЕ? Еве кои се причините
ГОЛЕМ СКАНДАЛ ГО ТРЕСЕ ПОЗНАТИОТ ГИГАНТ! Истражувањата откриле повеќе шеќер и млеко во храната за бебиња испратена во сиромашните земји
ПРЕТСЕДАТЕЛОТ НА НАДЗОРНИОТ ОДБОР НА „МАКПЕТРОЛ“ КУПИЛ 14 АКЦИИ - еве колку е платен акционерскиот пакет
ДИРЕКТОР НА СКОПСКА ФИРМА ПОДНЕСЕ НЕОТПОВИКЛИВА ОСТАВКА ПО ГОДИНА И ПОЛОВИНА МЕНАЏИРАЊЕ - промени во раководството на „РЖ Интертрансшпед“
ИМ ЗДОСАДИЛЕ ВИСОКИТЕ СМЕТКИ ЗА СТРУЈА, ПА РЕШИЛЕ САМИ ДА ПРОИЗВЕДУВААТ: Еве како изгледа енергетска заедница на група Грци
КРАЈ НА „ПРАВИЛАТА НА САМО ЕДЕН ЧОВЕК“ - тајвански гигант го воведе системот на ротирачки директори
ЗА ОВАА РАБОТА ВО ГЕРМАНИЈА, ПЛАТА ОД 2.500 ЕВРА - обезбедени сместување и храна, а ЕУ пасош не ви е потребен
ЛАНИ „ИЗМЕСИЈА“ ФАНТАСТИЧЕН ПРОФИТ, АМА СО НЕГО ЌЕ ПОКРИВААТ СТАРИ МИНУСИ - кои се акционерите што нема да добијат дивиденда од најголемиот производител на леб
