26 Април, 2018
0.0652

Конечно грчки авион слета на скопскиот аеродром: Коѕијас утре ќе има средба со владиниот врв и партиските лидери

Објавено во: Македонија 22 Март, 2018

Шефот на грчката дипломатија Никос Коѕијас со владин авион пристигна на скопскиот аеродром, во прва посета на земјата по неговото преименување во Меѓународен аеродром Скопје, како една од отстапките на македонската Влада во процесот на преговорите за името.

Ова е прв пат по 12 години грчки авион да слета на скопскиот аеродром.

Коѕијас беше пречекан од македонска делегација, а вечерва ќе има работна вечера со шефот на македонската дипломатија Никола Димитров, како подготовка за утрешната богата агенда, организирана за грчкиот министер.

Шефот на грчката дипломатија утре ќе има средби со неговиот македонски колега Никола Димитров, со премиерот Зоран Заев, со вицепремиерот Бујар Османи, со претседателот на Собранието Талат Џафери и со лидерите на ВМРО-ДПМНЕ и на ДУИ, Христијан Мицкоски и Али Ахмети.

На средбите се очекува да се разговара за позициите на Скопје и Атина по меѓусебната размена на нацрт-договори за решавање на прашањето за името, за кои, шефот на македонската дипломатија Димитров, во понеделникот рече дека се разликуваат еден од друг.

Коѕијас нема да се сретне со претседателот Ѓорге Иванов, а тоа, како што велат во кабинетот на шефот на државата, не било ни побарано од грчка страна.

Грчките медиуми во контекст на посетата на Коѕијас објавуваат дека по разменетите нацрт-спогодби, преговорите за името влегуваат во клучна фаза. Најспорни точки меѓу Атина и Скопје се грчкото барање за промена на македонскиот Устав, спектарот на употреба на новото име, но и идентитетот.

Од македонска страна, пак, како што објави МИА, повеќепати беше нагласено дека треба да се најде достоинствено решение за името со почитување на идентитетот, без промени на Уставот.

По дводневните разговори во Скопје, министрите за надворешни работи на Македонија и Грција, Никола Димитров и Никос Коѕијас ќе имаат нова средба на 30 март во Виена на која ќе биде и посредникот на ОН, Метју Нимиц. 

(МИА)

Можеби ќе ве интересира

Град Скопје бара магацин за споменици

Град Скопје бара магацин за споменици

СДСМ: Владата конечно ја враќа економијата на вистинска патека

СДСМ: Владата конечно ја враќа економијата на вистинска патека

Констатирана ниска култура и толеранција на социјалните мрежи во Македонија

Констатирана ниска култура и толеранција на социјалните мрежи во Македонија

Владата на Република Македонија со сите свои капацитети е во целосна функција и во служба за граѓаните

Владата на Република Македонија со сите свои капацитети е во целосна функција и во служба за граѓаните

ЏАФЕРИ НЕРВОЗНО ДО ЗАЕВ: Преземете мерки за однесувањето на министрите, последен пат кажувам

ЏАФЕРИ НЕРВОЗНО ДО ЗАЕВ: Преземете мерки за однесувањето на министрите, последен пат кажувам

Грабар-Китаровиќ по средбата со Иванов: Ќе сториме што и да е потребно за до јуни Македонија да добие датум за преговори

Грабар-Китаровиќ по средбата со Иванов: Ќе сториме што и да е потребно за до јуни Македонија да добие датум за преговори

ПОГОЛЕМА СВЕСТ: Амбасадори решија да го зачистат кејот на Вардар

ПОГОЛЕМА СВЕСТ: Амбасадори решија да го зачистат кејот на Вардар

ЈП Водовод и канализација: Прекинато водоснабдување на неколку места во Аеродром

ЈП Водовод и канализација: Прекинато водоснабдување на неколку места во Аеродром

Родителските школи даваат резултат

Родителските школи даваат резултат