КОНТРА УДАР ЗА ГРУЕВСКИ: Жали ли Јанкулоска за одлуките од минатото?

Добивај вести на Viber

Поранешната министерка за внатрешни работи Гордана Јанкулоска со низа критики за екс сопартиецот и актуелен бегалец Никола Груевски.

По фејсбук статусот кој Груевски го испорача повторно од земјата која му даде азил, контра удар доби од Јанкулоска.

Со Фејсбук статус екс министерката против која во моментов се водат неколку кривични постапки му порачува на Груевски дека е лесно преку социјалните мрежи далеку од татковината да се кажува што е лесно а што не.

„Кога си далеку од проблемите, на 800км од Македонија лесно е на социјалните мрежи да кажуваш што е лесно а што не е, при тоа амнестирајќи се од сите проблематични одлуки за кои секогаш одговорен е некој друг и игнорирајќи ја реалноста дека Македонија е таму каде што е денес, меѓу другото и заради бројните испуштени шанси во минатото“-стои во Фејсбук статусот на Јанкулоска.

Дали со овој статус екс министерката индиректно сака да каже дека можеби и е жал за некои одлуки кои биле донесени во времето кога беше блиска со Груевскии заедно владееја со државата? 

Од напишаното не може да се заклучи за кои испуштени шанси мисли министерката па затоа оставаме да заклучите сами.