КОНТРОВЕРЗНИОТ КИМ ОСТРО КОН БАЈДЕН: Направивте голема грешка

Добивај вести на Viber

Северна Кореја ја нарече американската дипломатија „лажна“ и ја одби понудата за преговори со Вашингтон. Изјавата доаѓа откако американската администрација рече дека претседателот Џо Бајден заговара „отворена дипломатија“ со Северна Кореја во врска со денуклеаризацијата.

Дипломатијата состави „лажен документ“ за Соединетите држави што треба да ги „прикрие нивните непријателски дела“, се вели во соопштението на севернокорејското Министерство за надворешни работи, пренесено од агенцијата КЦНА.

Во меѓувреме, претседателот eо Бајден е предупреден дека направил „голема грешка“ со неговиот застарен „став кон земјата“.

Во посебна изјава, исто така објавена од КЦНА, Министерството го обвини американскиот претседател за навреда на Ким Јонг Ун, додавајќи: „Доволно ги предупредивме САД за да можат да разберат дека ќе претрпат штета ако не испровоцира“

Во средата, Џо Бајден пред Конгресот рече дека „дипломатијата и острото одвраќање“ ќе ги ограничат нуклеарните амбиции на Пјонгјанг.

Политиката на САД кон Северна Кореја ќе биде „одмерена, практична и отворена за дипломатија“, им рече на новинарите во петокот портпаролката на Белата куќа, Џен Псаки.

„Нашата цел останува целосна денуклеаризација на Корејскиот полуостров“, додаде таа.