20 Август, 2019
0.0181

Копров им се извини на Србите затоа што не добија од нас ниту еден поен

Објавено во: Македонија 21 Мај, 2019

Познатиот композитор Григор Копров јавно се извини на српската нација, поради тоа што од нашето жири не добиле ниту еден глас на Евровизија 2019.

Во отворено писмо кое го објави на својот  профил, тој се присетува на помошта од српскиот режисер Дарко Камарит, кој без двоумење му помогнал на нашиот евровизиски тим во 2007 година и појаснил што треба да се корегира, кога Каролина не претставуваше на музичката манифестација во Хелсинки. Копров јавно прашува како ние би постапиле во обратна ситуација, и потенцира дека е разочаран што нашето жири било составено од, како што тврди, анонимуси, наместо од најеминентни автори.

„Лично чувствувам потреба да им се извинам на колегите и на братска Србија. Затоа што во 2007 година, на изборот во Хелсинки кога имав песна со Каролина Гочева композицијата ,,Мојот свет” во нашата делегација немаше режисер, а требаше.
Сите проби од визуелен аспект беа катастрофални, затоа што никој од нас присутните не знаевме стручно да кажеме што не е добро. Да напоменам дека во полуфиналето имаше 27 држави, и тоа беше во историјата на Евровизија најтешко полуфинале, затоа што 17 држави отпаѓаа. Да кажам дека македонската и српската делегација беа во ист хотел, и за голема среќа во нивната делегација беше и режисерот Дарко Камарит, кој е мој личен пријател. Бидејќи пробите беа при крај, незадоволството беше големо, затоа што визуелниот ТВ настап на Каролина беше катастрофален и очигледно дека со таков настап нема финале.  Јас во таа ситуација бев во очај. Го повикав на кафе Дарко Камарит и му се обратив со овие зборови: Дарко, од ова што го барам од тебе апсолутно не зависи нашето пријателјство. Имено, нашиот режисер, од за мене непознати причини не допатува и нашиот настап е лош. Те молам ако е икако можно да дојдеш и да помогнеш да се реши визуелно она што ние не знаеме објективно да им појасниме на луѓето во режија. Имам во предвид дека ти не си овде приватно и дека претставуваш друга земја, така да, од оваа твоја одлука не зависи нашето пријателство.

Дарко без никакво двоумење рече -Да, дојде и им објасни во режија што треба да се корегира. Имавме фантастичен настап и влеговме во финале“, пишува Копров. 

Македонското жири беше во следниот состав: Сузана Стефановска (музички уредник), Фјола Исмаили (музичар), Роберт Вукелиќ (пејач), Христина Мицковска (радио диџеј) и Ристо Апостолов (музичар).

Можеби ќе ве интересира

Работник паднал од зградата на ФФМ и починал

Работник паднал од зградата на ФФМ и починал

ФОКУС НА ДЕНОТ: Kaтица Јанева не знае дали ќе биде осомничена, платите пораснале се пофали и Заев

ФОКУС НА ДЕНОТ: Kaтица Јанева не знае дали ќе биде осомничена, платите пораснале се пофали и Заев

Договор со Косово нема, но дали има напредок?

Договор со Косово нема, но дали има напредок?

За германски Стандард аферата „Рекет“ личи на сапунска опера

За германски Стандард аферата „Рекет“ личи на сапунска опера

„Хеленската“ е прешкртано на споменикот на Александар Македонски во Прилеп

„Хеленската“ е прешкртано на споменикот на Александар Македонски во Прилеп

ВЛАДАТА ОДЛУЧИ: Повисоки плати во образованието, се основа училиште „Киро Глигоров“

ВЛАДАТА ОДЛУЧИ: Повисоки плати во образованието, се основа училиште „Киро Глигоров“

Јанева не знае дали ќе биде осомничена во „Рекет“

Јанева не знае дали ќе биде осомничена во „Рекет“

Шилегов објасни зошто го отстранува Сонцето од Вергина

Шилегов објасни зошто го отстранува Сонцето од Вергина

Илјада денари награда за ловците кои ќе вршат отсрел на диви свињи

Илјада денари награда за ловците кои ќе вршат отсрел на диви свињи