Корона вирусот ги „залула“ берзите: Акциите во скок по големиот пад
Објавено во: Свет 22 Јануари, 2020
Азиските берзи зајакнаа откако инвеститорите ги доведоа во прашање причините за стравот од ширење на вирусот корона кој ја зафати Кина.
Пазарите во континенталниот дел на Кина направија пресврт откако паднаа повеќе од 1,0 проценти во утринското тргување.
Премиер листата од акциите на берзата во Шенжен пораснаа за 1,08 проценти на 11.072,06 поени, додека Шенжен композитниот индекс се зголеми за 0,724 проценти на 1.819,61 поени, објави CNBC.
Индексот „Шангај композит“ напредуваше 0,28% на 3,060,75 поени. Индексот во Хонг Конг „Ханг Сенг“ за време на последниот час од тргувањето достигна 1,32 проценти, откако беше на врвот на листата губитници меѓу главните азиски пазари во вторникот.
Јапонскиот „Никеи 225“ исто така се зголеми за 0,7 проценти, заклучувајќи го тргувањето на 24.031,35 поени, при што јужнокорејскиот „Коспи“ скокна за 1,23 проценти на 2.226,25 поени. Централната банка на Кореја денеска соопшти дека економијата на земјата пораснала за 1,2 проценти во четвртиот квартал, според сезонски прилагодените податоци, од претходниот квартал.
Во исто време, акциите во Австралија исто така се зајакнаа, при што индексот S&P / ASX 200 го заврши крајот на денот од тргувањето за 0,94 проценти, на 7.132,70 поени, а најширокиот индекс на MSCI на азиско-пацифичките акции, исклучувајќи ја Јапонија, ја зголеми својата вредност за 0 ,73 проценти. Пријавен е пад на цената на акциите на ВолСтрит во Америка откако Центрите за контрола на болести го потврдија првиот случај на мистериозен коронавирус во САД.
Индустрискиот индекс „Дау Џонс“ паднал за 152,06 поени,а на крајот на тргувањето е заклучен на 29,196,04 поени , додека С & П 500 паднал за 0,3 проценти на 3.320,79 поени.
Технолошкиот индекс „Насдак композит“ исто така паднал за 0,2 проценти и е затворен на 9.370.81 поени. Официјални лица од кинеските јавни здравствени установи потврдија повеќе од 400 случаи на коронавирусна болест, што ги врати сеќавањата за појава на сериозен акутен респираторен синдром САРС во 2003 година во земјата. Здравствените власти потврдија и случаи на заболување во Тајланд, Јужна Кореја, Јапонија и Тајван.