КОСОВО ГИ САКА ПРЕШЕВО И МЕДВЕЃА: Што одговорија Србите?

Добивај вести на Viber

Претседателот на косовското Собрание, Кадри Весели изјави синоќа дека „нема можност за промена на границите во регионот“, но дека „најмногу би сакал кога на Косово би им припаднале Прешево и Медвеѓа, ако Србија се согласи за тоа“.

Тој говореше за можноста за размена на територии меѓу Косово и Србија. Вели дека Косово би го земало Прешево, ако прифати Србија, но Приштина нема што да даде на Србија.

„Ништо повеќе не би сакал отколку Прешево и Медвеѓа да му се придружат на Косово. Ние ќе прифатиме билатерален договор, ако прифати Србија, но немаме што да ѝ дадеме. Отворањето на границите на Балканот, отсекогаш значело војна, тоа е она што сакам да go кажам и јас сум директен – не постои каква било друга можност за промена на границите“- рече Весели во емисијата Пресинг на ТВ T7.

Тој рече дека Косово е отворено Прешевската долина да стане дел од  земјата.

Весели рече дека на ниту еден состанок со меѓународни официјални лица, никогаш не била спомната можноста за размена на територии.

Директорот на Канцеларијата за Косово и Метохија, Марко Ѓуриќ. коментирајќи ја изјавата на претседателот на косовскиот парламент Кадри Весели, изјави дека Косово никогаш нема да биде држава, ниту Прешево ќе биде дел од него.

„Кадри Весели нека не се радува, бидејќи Косово никогаш нема да биде држава, ниту Прешево, Медвеѓе или Ниш, некогаш ќе бидат дел од т.н. Република Косово. Но, Приштина била и ќе остане дел од Србија, а тој ќе биде српски државјанин“- наведе Ѓуриќ во писмената изјава. 

За Кадри Весели вели дека е познат по тоа што сака да се заканува со војна  и одземање територии, но вели дека треба да знае дека не е мудро да се заканува со насилство, посебно не на посилен од себе.