Добивај вести на Viber
Косовската влада воведе нова такса од 100 евра за камионите кои превезуваат стока од Србија, Македонија и Црна Гора и Косово, јавува Б92. Висината на надоместокот е воведен како мерка на раципроцитет поради истите такси кои овие земји ги имаат за превозниците од Косово, пишуваат косовските медиуми.
Претставници на Министерството за инфраструктура на Косово изјавија дека таксата е воведена за сите земји во регионот, со исклучок на Албанија.
Советник на министерот за инфраструктура во Косово Шах Нитај, додава дека и до сега локалните компании при влегување во Србија плаќале надомест од 100 евра по камион.
„Ова е реципрочна мерка за заштита на извозните компании од Косово. Овој надоместок ќе важи и за другите земји во регионот, со исклучок на Албанија, затоа што таа никогаш не барала никакви такси за камионите од Косово", рече Нитај.
Според него, цената од 100 евра ќе биде наплатувана за секој влез во Косово.