Косовското прашање мора да се затвори пред Србија да влезе во ЕУ, порача Меркел
Објавено во: Свет 13 Септември, 2021
Косовското прашање мора да се затвори пред Србија да влезе во ЕУ, порача германската канцеларка, Ангела Меркел која е во посета на Белград.
Таа вели дека сите други отворени прашања во процесот на европска интеграција треба да се решат пред тоа. На прашањето дали признавањето на Косово е услов за членство на Србија во ЕУ, Меркел на заедничката прес -конференција со српскиот претседател Александар Вучиќ изјави дека „некои прашања ќе бидат решени на крајот на процесот“ на европската интеграција на Србија, јави Бета.
„Јас сум за прагматичен пристап. Тој мора да се реши, но јас сум за патоказот, каде што сите други прашања се решаваат прво“, рече Меркел.
Таа изјави дека ЕУ мора да има „многу разбирање за конфликтите што треба да се надминат“ и наведе дека на Германија и треба „долго време кога станува збор за единство и признавање на границите и слични прашања“.
Српските власти во повеќе наврати потенцираа дека нема да ја признаат независноста на Косово, нешто што косовските власти го бараат.