Комплетиран составот на Управниот одбор на Сава пензиското друштво
Коста Ивановски, CFA назначен за нов член на Управниот одбор на Сава пензиско друштво АД Скопје
Објавено во: Мои пари 16 Август, 2019
Според последните промени во органите на управување на Сава пензиско друштво АД Скопје, Коста Ивановски, CFA е назначен за нов член на Управниот одбор. Тој е дел од Сава пензиско друштво а.д. Скопје од ноември 2011 година, како Управувач со портфолијата на пензиските фондови, а од декември 2016 година ја вршеше функцијата Директор на Секторот за инвестиции.
Севкупно тој има повеќе од 16 години професионално работно искуство на глобалниот и локален пазар на капитал. Тој e Овластен финансиски аналитичар (Chartered financial analyst) и член на CFA Institute од Соединетите Американски Држави и Магистер по европска економија и меѓународни финансии на факултетот „Тор Вергата“ во Рим, Италија. Неговото работно искуство опфаќа сегменти на старателски услуги со хартии од вредност, инвестициско банкарство и управување со пензиски фондови.
Управниот одбор на Сава пензиско друштво сега има вкупно три члена, каде покрај Коста Ивановски, CFA членуваат д-р Петар Талески, FRM и Мира Шекутковска која воедно е и Претседател на управниот одбор.
Сава пензиско друштво АД Скопје управува со Отворен задолжителен пензиски фонд Сава пензиски фонд и Отворен доброволен пензиски фонд Сава пензија плус, кои се дел од капитално финансираното пензиско осигурување во Р.С. Македонија.
Друштвото, неговите акционери и членовите на пензиските фондови очекуваат приклучувањето на млади, високо стручни лица, со експертски лиценци и знаења од областа на управувањето со средства и управувањето со ризици во новиот состав на Управниот одбор да придонесе за натамошен развој на професионалниот тим, што веќе 14 години се гради во Сава пензиско друштво а.д. Скопје.