КОСТА КОСТАДИНОВ ГО ПРОЗВА ЧУЛЕВ - дали не се изборен поткуп донациите од вашата партија
Објавено во: Македонија 25 Мај, 2020
Не престануваат меѓупартиските обвинувања кои се однесуваат на хуманитарна помош. Сега портпаролот на СДСМ, Коста Костадиновски, ја прозива опозициската ВМРО-ДПМНЕ и нејзината кандидатка за пратеничка, како и министерот за внатршни работи Наќе Чулев, за донација што Унијата на жени на партијата од неколку скопски општини, односно Куманово, Гази Баба и Аеродром, ја давала за социјални категории, односно семејства со социјален ризик.
Од фотографијата се гледа дека донацијата е направена на 15 мај, а помошта била давана по повод Меѓународниот ден на семејството.
„Се прашувам, дали кандидатката за пратеничка на ВМРО-ДПМНЕ ќе излезе на прес конференција и ќе си ја обвини сопствената партија за изборен поткуп? Дали Наќе Чулев ќе ги малтретира членовите на ВМРО-ДПМНЕ кои донирале прехранбени продукти. За разлика од вас, во Струмица тоа го прави невладина организација и покрај се, волонтерите се малтретирани држени во полициски станици...“, пишува Костадинов.
А својот пост го завршува на следниов начин:
„пс. Се сеќавате на изјавата на Мицкоски каде повикува да се купуваат македонски производи? Обидете се да најдете македонски производ на сликите!
Дури и за тоа излажаа!“, пишува Костадиновски.
Деновиве се водеше жестока меѓупартиска дебата за хуманитарните пакети што се делеле во Струмица, а за кои министерот Чулев најави истрага, и ако со неа се утврди дека од примателите на хуманиратна помош била барана противуслуга, давателите ќе одговараат за поткуп, како и за непочитување на владините мерки.