Костадинов очекува в понеделник пленарна седница за новите министри
Објавено во: Македонија 21 Јуни, 2019
Костадин Костадинов, пратеник и портпарол на СДСМ, очекува в понеделник во Собранието да биде закажана пленарна седница за разрешување на старите и изгласување на новите министри како дел од најавената владина реконструкција од страна на премиерот Зоран Заев, кој се очекува денеска да ги сопшти нивните имиња.
- Нема да има никакви пречки од понеделник да започне пленарната седница во Собранието и да се разгледуваат поединечно предлозите за сите министри. Во моментов Владата е на потег, а ние можеме да започнеме со работа веднаш на стартот од следната седмица - рече претпладнево Костадинов.
Најверојатно во текот на денов до Собрание ќе бидат доставени имињата на новите министри. Владината реконструкција ќе опфати смена на 8 министри а засега извесно е само името на министерот за земјоделие Љупчо Николовски. Согласно најавите на премиерот Заев предлогот кој ќе го достави до Парламентот би требало да биде усвоен наредната недела.