Ковачев тврди дека политичари, новинари, дипломати од Македонија имаат бугарски пасоши
Објавено во: Македонија, Балкан 25 Ноември, 2019
Да се објави списокот со македонските граѓани кои имаат бугарски пасоши. Ова го бара бугарскиот европратеник Андреј Ковачев и тврди дека меѓу нив има политичари, луѓе од власта и од опозицијата, но и дипломати, новинари, професори.
Тој објаснува дека дел од нив се гласни против Бугарија и поради тоа бара од институциите да ги обелоденат имињата на оние кои имаат бугарско државјанство, а според него работат на штета на Бугарија
„Всушност, сите овие луѓе се изјасниле дека чувствуваат етнички Бугари и дека нивните родители и пра-баби и дедовци се исто така етнички Бугари. Меѓу нашите сонародници се многу поранешни и сегашни политичари, поранешни премиери, поранешни и актуелни министри, градоначалници, пратеници од претходните и сегашни парламенти (од кои некои гласаа против Договорот за пријателство со Бугарија), членови на раководството на двете најголеми партии, дипломати, бизнисмени, водечки новинари, универзитетски професори“, смета Ковачев.
Ковачев и претходно барал откривање на имињата на македонски граѓани со бугарски пасоши.
Лани беше разбиена мрежа која издавала бугарски пасоши, за што луѓето од Македонија и други земји плаќале.