Ковачев тврди дека во северна Грција мнозинството биле Бугари

Добивај вести на Viber

Oткако на Би-Би-Си беше објавен прилог со наслов „Невидливото малцинство во Грција-словенските Македонци“, а потоа имаше реакцијата од грчкиот амбасадор во Обединетото Кралство, Димитрис Карамицос-Цирас, кој испрати писмо до редакцијата на медиумот, со реакција се јави и бугарскиот европратеник, Андреј Ковачев кој во писмо до извршниот директор порачува дека направиле грешка. 

Тој вели дека на почетокот на 20 век во северна Грција мнозинството се Бугари.

„Бев прилично изненаден кога пред неколку дена го прочитав текстот, ‘Невидливото малцинство во Грција-словенските Македонци‘, објавен на страницата на Би-би-си. Текстот се занимава со многу важна тема-историските малцинства во Северна Грција. Точно е дека ова прашање беше табу тема во текот на многу децении. Сепак, направениот историски преглед на темата од балканските војни до денес има еден основен недостаток. Нема никакво сомневање за етничката припадност на негрчкото население кое живее на денешните територии на Северна Грција, во регионите Тракија и Македонија. Тие се етнички Бугари, не само според светската научна заедница, туку и според грчките историски и архивски документи“, пишува тој.

Во текот на децениите по Балканските војни месното население било подложено на тешка асимилација, делумно со насилство, делумно со општествен и културен притисок, додава Ковачев.