Ковачевски кажа кои ќе бидат неговите приоритети
Објавено во: Економија 28 Декември, 2021
Новиот лидер на СДСМ и мандатар Димитар Ковачевски ќе се посвети на економијата и внатрешната политика.
Toj во интервју за Сител, на прашањето, по кои карактеристики ќе биде различен од неговиот претходник Зоран Заев, одговори дека тој ќе се посвети повеќе на економијата и внатрешната политика, за разлика од големите прашања на кои се фокусирал Заев.
„Премиерот Заев беше фокусиран на решавање на големите прашања од значење за државата, да не заборавиме дека заради тие големи и тешки одлуки што беа донесени денес сме членка на НАТО и сме на чекор до почнување преговори со ЕУ. Таа посветеност во решавањето на тие прашања остави празнина во раководењето и менаџирањето на внатрешната и економската политика во државата, односно менаџирањето на кадрите, така што јас повеќе ќе се посветам на економската и внатрешната политика во државата“, рече Ковачевски.
Додава дека сепак е тешко да се зборува за разлики.Кажа дека периодов не контактирал до поранешниот лидер на СДСМ, Бранко Црвенковски.