КОВАЧЕВСКИ: Курти е присутен во политиката во Македонија и тоа никој не може да го негира

Добивај вести на Viber

Поранешниот македонски премиер Димитар Ковачевски изјави дека косовскиот премиер Албин Курти бил клучот за формирањето на коалицијата Вреди и испраќањето на ДУИ во опозиција. Тој говореше и за причините за поразот на изборите. 

Како што вели во поткастот „Каде се парите“, неговата партија не можела да коалицира со албанските партии, бидејќи во сето тоа партијата на премиерот на Курти, се вмешала во македонската политика.

„Курти е присутен во политиката во Македонија и тоа никој не може да го негира. За пратеник во Собранието има претставник на својата партија, мислам дека човекот е од Струга. Впрочем, коалицијата Вреди беше формирана во Косово, а за тоа постојат и соопштенија од состаноците, а има и снимки. СДСМ не можеше да направи голема коалиција со албанските партии, бидејќи овојпат албанската опозиција беше консолидирана и засилена, а логистичка беше поддржана од Косово. Имаше свој кандидат за претседател, истакната политичка фигура, и тоа Арбен Таравари, кој денес е министер за здравство. Тоа ја стави ДУИ во позиција да мора да се кандидира со свој кандидат за претседател“, објасни Ковачевски.

Ковачевски додаде дека Самоопределување на Курти нема ништо против СДСМ, додавајќи дека тие се сестрински партии. Сепак, вели дека Курти сака и е протагонист во Македонија. По лошиот изборен резултат, Ковачевски се повлече од лидерското место во СДСМ, по што за лидер е избран Венко Филипче.