Ковачевски периодов не контактирал со Црвенковски
Објавено во: Македонија 28 Декември, 2021
Новиот претседател на СДСМ, Димитар Ковачевски вели дека периодов не разговарал со екс лидерот Бранко Црвенковски.
Ковачевски информира дека ги видел обвинувањата на опозицијата, споредувајќи го него „како пиун на Заев“. Рече дека сите разговори со новото раководство ги водел сам.
„Во партијата сум 30 години и со сите сум имал одлична соработка и искуство“, вели новиот мандатар во Дневникот на ТВ Сител.
Но, за составот на Владата од утре ќе носи одлуки.
„Што се однесува до владиниот кабинет, се уште не сум го составил. Од утре ќе имам разговори, по што ќе го направам изборот“, рече Ковачевски.
Тој изјави дека со задоволство го очекува премиерот на Бугарија, Кирил Петков во посета на Македонија.
Ковачевски утре во 13 часот ќе го добие мандатот за состав на новата Влада од претседателот на државата, Стево Пендаровски.
foto Facebook