Ковачевски за БЕГ: Системот е продаден на Кипар на фирма со 5.000 евра влог
Објавено во: Економија 29 Јуни, 2022
Премиерот Димитар Ковачевски денеска како одговор на пратеничко прашање на потпретседателот на ВМРО-ДПМНЕ, Александар Николоски, во Собранието рече дека државата ќе обезбеди оператор за топлинско загревање на СКопје во грејната сезона, откако Регулаторната комисија за енергетика му ги одзеде трите лиценци на БЕГ.
Ковачевски му рече на Николоски да го запраша поранешниот премиер Никола Груевски како се формирала оваа компанија своевремено и од кого потекнува.
- Топлинската енергија во Град Скопје нми е предизвик од 17 јануари од мојот прв ден како премиер. Вашата Влада и вашиот премиер дозволил системот за загревање да биде продаден на компанија од Кипар со основачки влог од 5.000 и која која нема лиценца за снабдување со гас. Затоа Град Скопје требаше да го превземе, а сега јавно кажа дека нема знаење и волја со тоа да управува. Компанијата со 5.000 влог во Кипар, треба да прашате кој ја регистрирал, дали се руски или не се руски олигарси, дали целиот систем го имаат заложено во банки во Луксембург, рече Ковачевски.
Тој додаде дека Владата ќе објави оглас и дека ќе најде оператор за производство, снабдување и дистрибуција со топлинска енергија до започнувањето на грејната сезона.