Вино од 1600 евра за флаша: Што се најде на менито за раскошниот банкет во чест на Трамп приреден од кралицата Елизабета
Објавено во: Свет 04 Јуни, 2019
Раскошниот банкет кој британската кралица Елизабета Втора синоќа го приреди во Бакингамската палата во чест на првата државничка посета на претседателот на САД Доналд Трамп, ги обелжаа нивни здравици но внимание привлече и менито кое е понудено за повеќе од 170 гости со вино кое чини околу 1600 евра за флаша.
БиБиСи наведува дека во чиниите, помеѓу другото, се нашле филе подготвено на пареа, младо виндзорско јагнешко, а за десерт е послужен сув колач од јагоди со крем од лимон а потоа следело свежо овошје, кафе и ситни колачи.
На гостите им се понудени два вида англиски пенливи вина, како и црвено од брендот „Шато Лафит-Ротшилд“ од 1990 година, чии флаши достигнуваат и цена до 1395 фунти (1600 евра).
Американскиот претседател, наведува БиБиСи, не вкусил ниту едно од овие вина, бидејќи воопшто не конзумира алкохол.
Менито го избрала самата кралица од четири можни менија кои и ги понудиле кралските готвачи.
Royal Florists have been preparing for the State Banquet this evening. Her Majesty will welcome @POTUS and @FLOTUS to Buckingham Palace later tonight. #USStateVisit pic.twitter.com/9SzjkyOttG
— The Royal Family (@RoyalFamily) June 3, 2019
Музичкиот избор пак опфаќал музиката на Хендл, американскиот композитор Арон Копланд и британските музичари Ед Ширан и Ејми Веџ.
На програмата бил и „Tonight“ од американскиот мјузикл „Приказна од Западната страна“.
Трамп и неговата сопруга Меланија присуствуваа на вечерата со четирите возрасни дца на Трамп.
Од британска страна, меѓу присутните биле кралицата Елизабета, принцот Чарлс и неговата сопруга Камила, и принцот Вилијам со неговата жена Кејт.