КРЕДИТИТЕ ЌЕ МОЖАТ И ДА СЕ ЗАМРЗНАТ - ама штом Владата ја усвои уредбата
Објавено во: Финансии 21 Март, 2020
Советот на Народната банка направил регулаторни измени, со кои се овозможува банките и штедилниците на повеќе начини да им го олеснат финансискиот товар на граѓаните и фирмите погодени од коронакризата.
Олеснувањата ќе можат да бидат: замрзнување или грејс период за отплата на кредитите, пролонгирање на исплатата на подолг период, пониска каматна стапка, како и одобрување на нов поповолен кредит за рефинансирање на постоечкиот
„Во Министерството за финансии подготвуваме уредба со која ќе се олесни користењето на мерката, односно банките да можат ги изменат/олеснат условите под кои се одобрени кредитите без да се склучуваат анекси кон договорите за да нема потреба кредитокорисниците да одат на шалтери на банки и штедилници“, напиша на ова министерката за финансии Нина Ангеловска.
Штом уредбата биде усогласена и финализирана, ќе биде доставена до Владата на усвојување и ќе ја информираме јавноста за начинот на користење на поволностите, вели првата финансиерка.