КРИПТО ФИРМИТЕ ПАЃААТ КАКО ДОМИНО - колапсот на FTX го зарази целиот пазар, банкротираше и BlockFi
Објавено во: Финансии 29 Ноември, 2022
Еден од најголемите светски крипто-заемодавци BlockFi поднесе барање за стечај заедно со 8 други нејзини филијали, објави компанијата во понеделникот. BlockFi е најновата во низата жртви на спектакуларниот колапс на берзата FTX претходно овој месец.
Поднесувањето на судот во Њу Џерси доаѓа во време кога цените на криптовалутите паѓаат. Биткоинот е намален за повеќе од 70 проценти од својот врв во 2021 година.
BlockFi со седиште во Њу Џерси рече дека FTX е нејзиниот втор најголем доверител, со 275 милиони долари долг на заемот даден претходно оваа година. Беше кажано и дека компанијата им должи пари на стотици илјади клиенти. Според договорот потпишан со FTX во јули, BlockFi требаше да добие револвинг кредит од 400 милиони, додека FTX доби опција да го купи до 240 милиони долари.
Најголемите конкуренти на BlockFi, Celsius Network и Voyager Digital, поднесоа барање за стечај во јули, наведувајќи ги екстремните пазарни услови што доведоа до загуби на двете компании.
Крипто-заемодавците, де факто банките во светот на крипто, пораснаа за време на пандемијата, привлекувајќи ги клиентите со двоцифрени стапки во замена за нивните крипто депозити.
Извор: Ројтерс