КРИТИЧНО СО КОВИД ОДДЕЛЕНИЈАТА ВО СТРУГА - има уште само пет слободни кревети
Објавено во: Македонија 21 Ноември, 2020
Во Охрид и во Струга состојбта е сериозна и критична. Како што јавуваат локалните медиуми, струшката болница ги преполнува капацитетите, а слободни се уште пет болнички кревети. Сместени се 35 пациенти, од кои 20 се приклучени на кислородна поддршка. Кислород на дневно ниво се троши пет пати повеќе од вообичаеното или околу 40 боци за 24 часа. Олеснување во бробата со корона вирусот ќе донесе изградбата на модуларната болница за која веќе се подготвува теренот и која ќе овозможи хоспитализација на 35 пациенти. Во Струга во последната седмица ковид 19 е дијагностициран кај 183 лица, а меѓу нив има и медицински персонал.
Инаку, во Струга се поголемиот број на новозаболени лица забрзано ги полнат болничките соби во двата ковид центри - интерното и детското одделение, а потешките случаи ги препраќаат во Скопје. Проблем има и со медицинскиот кадар, бидејќи голем дел од постојниот кој работи во болницата за справување со пандемијата е заболен и во изолација.
Покрај струшката преполна со пациенти е и охридската болница од каде посочуваат дека состојбата е исклучително тешка и комплексна, а здравствениот систем сериозно оптоварен.