Кривичен на потег за притворот на Катица: ОЈО кажа со колку пари се офајдила Јанева
Објавено во: Македонија 21 Август, 2019
Вилма Рускосака која ја води истрагата за предметот „Рекет“ денеска побара приведување, но и притвор на специјалната јавна обвинителка Катица Јанева.
Јанева е осомничена од ЈО за трет вмешан во случајот со Бојан Јовановски и Зоран Милевски.
Државниот обвинител соопшти дека обвинителството има докази дека Јанева остварила лична корист од околу 290 илјади денари претежно во мебел така што влијаела на постапката овозможувајќи олеснување на позицијата на осомничен во случајот „Империја“.
Посочи дека Јанева ја злоупотребила службената позиција и остварила лична корист со тоа што, најпрво влијаела за ослободувње од притвор и враќање на патната исправа, а потоа и дала предлог да се олесни положбата на осомничениот за „Империја“ со негово прифаќање како сведок во постапката.
Полицијата попладнево по налог ЈО ја приведе Катица Јанева во нејзиниот дом во скопската населба Козле. Таа со полициска придружба беше донесена во СЈО.
Обвинителката Вилма Рускоска потврди дека полицијата влегла во СЈО со налог да се одземе компјутерот на Јанева.
Се очекува Јанева од СЈО да биде изведена пред судија на претходна постапка кој треба да одлучи по барањето на ЈО за изрекување мерка притвор.