КРИВИЧЕН СОВЕТ НА ПОТЕГ: Ќе се спаси ли Груевски привремено од затвор?
Објавено во: Македонија 05 Ноември, 2018
Се ближи рокот кога екс премиерот Никола Груевски ќе треба да се јави во затворот во Шуто Оризари.
Поранешниот лидер на ВМРО ДПМНЕ е се поблиску до затвор а единствено спас за пролонгирање на затворската казна сега е Кривичниот суд.
Според најавите, одбраната, односно адвокатите денеска ќе го искористат законскиот рок и по одбиената молба од Судот за одложување на затворската казна, ќе достават жалба до Кривичниот совет кој исто така има рок да одлучи во рок од три дена .
Најдоцна до 8 ноември, односно до четврток кога Груевски треба да се јави во Шутка, се очекувањата кривичниот совет да се произнесе.
Груевски, кој правосилно е осуен на две години затвор поради незаконско купување на луксузниот мерцедес во 2012 година во времето додека беше премиер, на 26-ти октомври доби повик до 8 ноември да се јави на издржување казна во скопскиот затвор во Шуто Оризари.