Кривичен суд до Јовески за пресудата за Латас: Расчисти си го својот двор!
Објавено во: Македонија 16 Јули, 2019
Кривичниот суд му порача на Љубомир Јовески, главниот јавен обвинител, да „си го расчисти сопствениот двор“ откако вчера рече дека поддржува ветинг во судството и обвинителството и го посочи примерот со ослободителната пресуда за новинарот Драган Павловиќ Латас и неговите браќа за кои СЈО имаше поднесено обвиние за бесправно градење.
"Во врска со неодамнешната изјава на Јавниот обвинител на РМ, Кривичниот суд - Скопје смета дека наместо да врши постојани напади врз судењето и судиите по донесување на пресуди од кои не се чувствува задоволенб, подобро е да го расчисти сопствениот двор ", гласи реакцијата на Кривичниот суд.
Латас и неговите браќа добија ослободителни пресуди за изградба на трите викендички во Зелениково кои според СЈО се граделе без дозвола. Судијката рече дека ги ослободува затоа што никој од државните органи не реагирал навреме за да се спречат дивоградбите.
„Мислам дека на такви судии не им е местото во правосудството и веројатно Судскиот совет ќе треба по соодветна постапка да го испита тој дел. Јас после објавувањето на пресудата барав и судска пракса. Судската пракса во однос на овие кривични дела е сосема јасна, таму не се бараат ниту записници од инспектори, ниту дали некој пријавил. Доволно е лицето да почне да гради без одобрение за градба“ рече Јовески вчера одговорајќи на новинарски прашања