КРИЗА СО ЛИРАТА: Се урива ли турската економија?
Објавено во: Економија 24 Август, 2018
„Ситуацијата во Турција не е нормална. Се очекува во рок од една година земјата да влезе во рецесија“- се повеќе вакви коментари даваат економистите од регионот за сложената ситуација во Турција.
Тензиите во земјата веќе почнаа да влијаат на јавното мислење. Граѓански снимки, кои палат долари и го кршат ајфонот, се шират низ целиот свет. Причината е влошувањето на односите меѓу Трамп и Ердоган.
Економисти потсетуваат дека Турција е позната како "Кина во Европа" поради високите стапки на развој.
Многумина велат дека кризата нема да влијае на Европа.
Благ пад ја одбележа турската лира во однос на доларот денеска, во услови на тековен ќор-сокак помеѓу Анкара и Вашингтон .
Лирата падна на ниво од 6.1079 по долар на околу 6.050 вчера, кога нејзината вредност се намали за околу еден отсто откако Анкара го обвини Вашингтон за спроведување на "економска војна".
Турската национална валута оваа година загуби околу 38 отсто од својата вредност.
Случајот на американскиот свештеник, тужен во Турција поради обвиненија за тероризам и шпионажа, е основа на дипломатската криза помеѓу Анкара и Вашингтон, што доведе до пад на турската лира. Свештеникот беше преместен во домашен притвор минатиот месец откако помина речиси две години во затвор, но фактот дека тој не беше ослободен ја зголеми тензијата.