21 Октомври, 2019
0.0181

Крум Велков до пратениците: простачки профитери!

Објавено во: Македонија 04 Септември, 2018


Крум Велков, познатиот еко-активист од Здрава Котлина, здружение кое се бори против нови рудни наошалишта и начинот на нивната експлоатација, ги нарече „простачки профитери“ пратениците на Собранието на РМ во својата тирада на Фејсбук откако вчера не беше донесен законот за минерални суровини.

"Денеска, македонскиот политички цијанид уште еднаш, по којзне кој пат ги остави граѓаните на цедило, преку пратеници кои мислат исклучиво на сопствените џебови; еден глупав, себичен буљук простачки профитери без елементарен морал и одговорност пред општеството. Денеска избегаа, но долгорочно нема да избегаат. Секој ќе мора да се изјасни.
Најавуваме, во најкус можен рок, донесување итни решенија во врска со облиците на натамошниот отпор против рудникот Иловица-Штука, а доколку пратениците во најскоро време не го изгласаат Законот, и почеток на консултации за еден вид општомакедонски еколошки фронт." го зинесе својот став Крум Велков, активист на Здрава Котлина.

Собранието на Република Македонија вчера требаше да расправа по измените и дополнувањата на Законот за минерални суровини, поднесени од 11 пратеници со различна политичка ориентација, но кога дојде време за гласање истиот не беше донесен, бидејќи немаше потребен број на народни избраници.

Предлогот е на дневен ред на 32. седница, а треба да се донесе по скратена постапка. Зад него стојат Лилјана Поповска, Маја Морачанин, Мери Лазарова, Ивана Туфегџиќ, Кети Смилеска, Ирена Стефоска, Горан Милевски, Павле Богоевски, Сашко Атанасов, Диме Велковски и Ферид Мухиќ.

Македонската асоцијација на рударството (МАР) во јули годинава повторно апелираше да не се носат измените на Законот за минерални суровини по скратена постапка, туку претходно да се организира јавна дебата со сите засегнати страни. Предупреди дека измените ќе бидат штетни за рударството и дека се нелогични, недоречени и неприменливи во пракса. Како што рече тогаш претседателот на МАР Николајчо Николов, измените се тенденциозни и се туркаат заради добивање политички поени. Николов обвини и дека е нестручен пристапот во дефинирањето на измените.

Активистите за здрава животна средина жестоко обвинуваат дека рудникот „Иловица – Штука“ не само што е еколошка нуклеарна бомба туку е, како што велат, најголема биолошка еко-закана на континентот во моментов и еко-геноцид од невидени размери во поширокиот регион. Тие разочарани од средбата со претставниците на Владата на Република Македонија, на ЕБОР и на компанијата „Еуромакс рисорсис“, околу рудникот за бакар и за злато „Иловица“, најавуваат блокада на патишта и на гранични премини и кривични пријави. 

Од Владата, пак, убедуваат дека заради намалување на ризиците и загриженоста на локалното население во регионот нема да се користат цијанид и сулфурна киселина туку „помалку штетни хемикалии“, а ќе се формира и независно тело за мониторинг, кое ќе врши проверка на секој следен чекор низ претстојните фази. Истото тоа претходно го соопштија и од компанијата „Еуромакс рисорсис“, која ќе го гради рудникот.


Можеби ќе ве интересира

УТРИНСКИ ФОКУС: Заев сепак дава оставка, Македонија ја чека турбулентна изборна пролет

УТРИНСКИ ФОКУС: Заев сепак дава оставка, Македонија ја чека турбулентна изборна пролет

Кој ќе слави победа на 12 април

Кој ќе слави победа на 12 април

„Милфици”, „кугарки” и останати етикети

„Милфици”, „кугарки” и останати етикети

КАКВИ ИЗБОРИ НЕ ОЧЕКУВААТ - новинарски прогнози за Фактор

КАКВИ ИЗБОРИ НЕ ОЧЕКУВААТ - новинарски прогнози за Фактор

Агонијата допрва почнува - Партиите си почнаа кампања, се договорија за избори

Агонијата допрва почнува - Партиите си почнаа кампања, се договорија за избори

Овие предвремени избори ќе имаат најниско ниво на излезност

Овие предвремени избори ќе имаат најниско ниво на излезност

Предвремените избори се очекувани, но јавноста очекуваше оставка од Заев

Предвремените избори се очекувани, но јавноста очекуваше оставка од Заев

Опозицијата му остави дополнителен маневарски простор на Заев

Опозицијата му остави дополнителен маневарски простор на Заев

Очекувам кампањата да почне уште утре, и да биде долга и валкана

Очекувам кампањата да почне уште утре, и да биде долга и валкана