15 Декември, 2019
0.0220

КРУШЕВО ПОФАЛЕНО: Како им успеа да го дуплираат бројот на туристички ноќевања?

Објавено во: Македонија 19 Јули, 2019

Во 2018 година Крушево за 50% ги зголемило туристичките ноќевања. 

Ова беше соопштено од Агенцијата за поддршка и промоција на туризмот, а од Општина Крушево велат дека можностите за организирање на параглајдерски купови придонеле за ваков добар резултат.

Најголемо зголемување на бројот на туристите во државата е забележано токму во овој град, каде минатата година благодарение на алтернативниот туризам, односно на атрактивното место за параглајдеристите Мечкин камен, бројот на ноќевања пораснал за околу 50 проценти.

Крушево лани имало 15.853 домашни туристи кои реализирале 41.801 ноќевање, а истата година дошле 2.592 странци кои реализирале 18.144 ноќевања. Раст има кај домашните и кај странските гости, потврдуваат од општината. Но, се верува дека реалниот број на туристи е поголем затоа што не сите туристи се пријавени, а воедно гостите се сместуваат и во куќи кои не се категоризирани како сместувачки капацитети.

Коста Мицкоски, раководител на одделението за локален економски развој во Општина Крушево вели дека токму поради параглајдерството имале повеќе гости во градот.

„Сите активности на Општина Крушево за она што туристичкиот сектор го бара, но и ружата на ветрови која одговара за параглајдерството придонесе да имаме повеќе туристи лани. Параглајдеристите го препознаа Крушево како топ дестинација за овој спорт. Лани имавме во Крушево девет параглајдерски натпревари организирани од други држави“, вели Мицкоски.

Тој додава дека од крајот на мај до септември имаат најголем наплив на туристи, а деновиве општината ќе обележи 40 км пешачки и велосипедски патеки, ќе ја реновира и спортската сала со цел параглајдеристите во деновите кога немаат активности, да можат да го исполнат своето слободно време и да спортуваат.

„Секогаш може да биде и подобро. Јас за јули и август имам најавено домашни туристи, а странците претежно си одат во хотели и вили“, вели Сотир Качивановски, крушевчанец кој издава соби.

Крушевчани сметаат дека треба уште да се работи за да градот може да живее од туризам, иако признаваат дека има раздвижување во секторот.

Сања Атанасовска

фото Википедија

Можеби ќе ве интересира

Софија Богоева: Јавните површини може да се унапредат со активно учество на заедницата

Софија Богоева: Јавните површини може да се унапредат со активно учество на заедницата

Мицкоски бара резолуција за јазикот

Мицкоски бара резолуција за јазикот

Груевски до Десковска: Да каже барем една фирма која сум ја преземал со изнуда

Груевски до Десковска: Да каже барем една фирма која сум ја преземал со изнуда

ФОКУС НА ДЕНОТ: Администрацијата, Заев, министрите чистеа смет, Десковска ја предаде златната метла

ФОКУС НА ДЕНОТ: Администрацијата, Заев, министрите чистеа смет, Десковска ја предаде златната метла

Дескоска на Здравев му подари златна метла

Дескоска на Здравев му подари златна метла

Премиерот и министрите беа дел од „Администрацијата чисти со граѓанската организација ‘Не биди ѓубре’“

Премиерот и министрите беа дел од „Администрацијата чисти со граѓанската организација ‘Не биди ѓубре’“

ВМРО-НП e против тоа 80 отсто од амбасадорите да бидат дипломати од кариера

ВМРО-НП e против тоа 80 отсто од амбасадорите да бидат дипломати од кариера

На Ѓавато видливоста е намалена од 50 до 100 метри

На Ѓавато видливоста е намалена од 50 до 100 метри

Жена заврши во болница откако воз удри во автомобил

Жена заврши во болница откако воз удри во автомобил