Крвави судири на границата меѓу Израел и Палестина

Добивај вести на Viber

Израелските сили убиле двајца  и раниле 12 Палестинци при денешните протести на границата помеѓу Израел и Палестина.

Некои од Палестинците со себе носеле ножици за сечење на оградата поставена на границата за да се пробијат на израелска територија, а израелските војници во неколку наврати на арапски јазик им се обратиле и ги предупредиле да се откажат од намерата за оштетување на оградата.

Палестинците не се откажале, по што израелските војници пукале при што убиле две лица, а раниле уште 12, со што бројот на загинатите откако започнаа протестите на границата се зголеми на најмалку 33 лица.

Од почетокот на протестите кои што избија на самата граница помеѓу Израел и Појасот Газа ранети се стотици Палестинци. Протестите на границата помеѓу Газа и Израел се организирани секој петок во текот на изминатиот месец, а се очекува протестите да кулминираат на 15-ти мај.

За време на претходните демонстрации, повеќето од Палестинците остануваа во своите кампови, а помали групи фрлаа камења, палеа автомобилски гуми и фрлаа запаливи бомби кон израелската армија.

Демонстрантите бараат на бегалците да им биде овозмжено враќање во домовите на земјата која што сега е во состав на Израел.