Купуваат ли македонските граѓани second hand гардероба?
Објавено во: Економија 13 Март, 2019
Македонските граѓани, посебно жените купуваат second hand облека која се нуди на различни интернет страници по поволни цени.
За овие парчиња продавачите обично бараат од 150 до 500 денари. Луѓето кои се занимаваат со ваква продажба, велат дека интерес има, а воедно и работа за нив. Душица Лауцоска која извесно време продава облека онлајн, вели дека освен нови парчиња, има и second hand гардероба, а неа повеќе ја купуваат припаднички на понежниот пол, и смета дека тоа најверојатно го прават поради ниските цени.
„Нормално жени има повеќе. Имам контакти во Словенија и така ја добивам гардеробата, по акциски цени и секое парче е со супер квалитет“, вели таа.
Сашка Костадиновска од Скопје која до неодамна имала бутик, вели дека познава повеќе жени кои купуваат носена облека.
„Јас не сум купила, меѓутоа имам другарки кои преферираат втора рака да купат, а знам за во Лондон додека бев, дека за деца преферираат да купуваат second hand, додека кај нас повозрасните купуваат ваква облека. Финансиите се пресудни, но и квалитетот, затоа што луѓето мислат дека квалитетот на таа носена облека, која не е искината не е ист со новата облека“, додава таа.
Друга жена која до ден денес се занимава со интернет продажба на second hand производи, вели дека луѓето кај неа повеќе купувале обувки, поретко облека, а најчесто мебел и бела техника.
„Во 2017 година почнав со оваа работа, и беа скептици, каде и да се обидев да огласам имаше многу критики, напаѓања дека треба да подарам, но со тек на време се навикнаа дека како и секоја друга работа, така и ова може да функционира. Наместо да одат во Софија или Солун, за H&M поисплатливо е да го купат вака. Она што е продадено од моја страна поминало низ неколку фази, чистење со вода, средства, внатрешна и надворешна дезинфекција, перење во машина, доколку има потреба од корекција, одлепено, залепено, веднаш се средува тоа на чевлар. Има многу голема заинтерсираност, скоро две години продавам чевли од наше семејство од Германија и Франција, и многу се троши“, велат од страницата Second hand, Катче за мајките.
Оттаму додаваат дека имаат купувачи од внатрешноста, задоволни стари купувачи, но и нови.Сања Атанасовска