КУРЦ ИЗГУБИ ДОВЕРБА ВО ПАРЛАМЕНТОТ: Тој најавува силен камбек

Добивај вести на Viber

Владата на австрискиот канцелар Себастијан Курц ја загуби довербата на парламентот по обвинувањата за корупција во кои бил вмешан неговиот поранешен заменик, лидерот на ФПО Ханс Кристијан Штрахе.

Имено, парламентот изгласа недоверба, што своевидно е преседан, бидејќи сличен случај последен пат се случил во далечната 1945 година.

Австриската владеачка коалиција помеѓу Конзервативната народна партија на Курц и десничарската Партија на слободата е здрмана на 17 мај откако Штрахе „наводно“ на роднините на руски тајкун им ветил отстапки во замена да ја финансира кампањата.

Штрахе поднел оставка по скандалот за да не би ја „оштетил“ коалицијата. Тој остро го критикувал видеото како „целно политичко убиство“ велејќи дека објавените делови се извадени од контекст. Курц брзо се дистанцирал од помладиот коалиционен партнер и повика на вонредни избори како единствен начин да се „врати довербата во јавните институции“.

Тој исто така, предложил смена на министерот за внатрешни работи Херберт Кикл, кој, како што рекол Курц , е неспособен да ја води истрагата на лидерот на неговата партија.

Курц по изгласаната недоверба вели дека на власт ќе се вратат уште посилни.

Канцеларот рекол дека ќе помогне привремената техничка влада да обезбеди стабилност во наредните месеци и дека ќе се бори за враќање на премиерската функција.