21 Април, 2018
0.0657

ЛАВИНА ПРЕДИЗБОРНИ ВЕТУВАЊА: Дали македонскиот гласач е политички зрел да препознае што е остварливо?

Објавено во: Македонија 13 Октомври, 2017

Во текот на кампањата гласачите се „бомбардирани“ со  ветувања од потенцијалните градски татковци.  Ветувањата се различни, од повеќе сфери, почнувајќи од животна средина, економија, па се до реализирање на капитални проекти за кои е неопходна поголема финансиска поддршка. Се ветува и отворање на нови работни места.

Кандидатите ветуваат грижа за младите, но има и такви  кои најавија дека ќе пружат помош и поддршка на постарите лица кои се принудени да живеат сами.  Се ветува ефикасно и транспарентно работење во интерес на граѓаните, но дали сите ветувања кои се содржани во програмите се во целост остварливи и реални?

„Делумно да, иако најголем дел од ветувањата се во рамки на она што ја засега локалната заедница како што се на пример подобрување на постоечката инфраструкура, пристап, улици, културно-спортски живот и слично. Сепак чуда, барем за мене лично ми делуваат оние ветувања како што се зголемување на субвенции, повиско плати, зголемување на вработеноста и слично. Што се однесува конкретно за вработеноста, лично сметам дека локалните власти имаат ограничена моќ да сторат нешто повеќе околу тоа.Сметам дека фер е кон гласачите да се дадат реални и остварливи ветувања. Сепак се работи за 2017 година кога македонскиот гласач е доволно политички зрел и совесен да расудува и оценува што е остварливо, а што не.Привлекувањето на странски и домашни инвестиции во најголем дел се концентрирани во централната власт. Се разбира локалната самоуправа може да помогне со лоцирање земјиште и делумно ослободување на некои давачки, но општините имаат премногу предизвици и проблеми од локален карактер како што се редовно и квалитетно водоснабдување, добра патна инфраструктура, јавен превоз, квалитет на воздух и слично, па така по изборот на одреден кандидат или кандидатка за градоначалник ова природно се наметнува како приоритет. Програмите за локален економски развој се исто така добра основа, но не сум сигурен дека некоја од општините може да се пофали со висок степен на исполетост тукму поради тоа што го наведов погоре“ – вели Златко Симоновски, истражувач и проектен координатор во Центарот за истражување и креирање политики.

Симоновски смета дека ќе треба многу напор, енергија и инвестиции за на крајот од следниот мандат оние кои сега трчаат за градоначалник да може да се пофалат дека исполниле сè. 

„За мене се спектакуларни ветувањата дека на пример Скопје за четири години ќе дише чист воздух, или пак дека ќе се изгради тролејбуска линија. Исто така треба да се наведе дека дел од ветувањата се во надлежност на централната власт, па претпоставувам дека има некое „тајно партнерство“ помеѓу  кандидатите и централната власт, како и опозициската ВМРО ДПМНЕ дел од работите да бидат завршени токму од Владата за на крај тоа да се препише како заслуга на градоначалникот. Сметам дека овие избори граѓаните многу малку беа вклучени во изработката на партиските програми за тоа што ќе се прави во иднина, а наместо тоа беа „активирани во полн погон“ партиските штабови, месни комитети. И тоа е добро, но сепак најдобрите идеи може да се чујат од мнозинството граѓани и оние кои немаат баш непосредно и постојано учество во партиските дејности“ – додава Симоновски.

Голем дел од кандидатите за градоначалници веќе управувале со општини, а сега се борат за втор или трет мандат.

На полноќ завршува кампањата за локалните избори, со што стапува на сила предизборниот молк,  а веќе в недела граѓаните ќе гласаат.

Сања Атанасовска

Можеби ќе ве интересира

ВМРО-ДПМНЕ: Заев да се тргне од патот на правдата за „Монструм“

ВМРО-ДПМНЕ: Заев да се тргне од патот на правдата за „Монструм“

Филипче: Без вакцини нема запишување во градинка и училиште

Филипче: Без вакцини нема запишување во градинка и училиште

МВР со голема акција во Скопје во лов на пијани возачи

МВР со голема акција во Скопје во лов на пијани возачи

Крадци ја „пеплосале“ катната гаража Македонска фаланга

Крадци ја „пеплосале“ катната гаража Македонска фаланга

И Даниел Сервер доаѓа во Македонија

И Даниел Сервер доаѓа во Македонија

Труп пловел по Охридското езеро

Труп пловел по Охридското езеро

Каква офанзива најави премиерот Заев?

Каква офанзива најави премиерот Заев?

Сопственик на скопска кафана прободен со нож од гости кои се тепале

Сопственик на скопска кафана прободен со нож од гости кои се тепале

Заев ќе се појави како сведок во „Монструм“ само по барање на судот

Заев ќе се појави како сведок во „Монструм“ само по барање на судот