27 Септември, 2020
0.0402

ЛАЖНА ВЕСТ Е ДЕКА ГРУЕВСКИ БИЛ УАПСЕН - Правда го демантира српскиот политичар

Објавено во: Македонија 02 Декември, 2019

Министерството за правда демантира дека Груевски бил уапсен во Будимпешта, тврди дека тоа се целосни невистини.

„Демантираме уште една од многуте лажни вести деновиве – целосно ги отфрламе изнесените невистини дека Никола Груевски е уапсен и дека Министерството за правда не бара негова екстрадиција. На јавноста ѝ е познато дека Министерството за правда веднаш по бегството на Никола Груевски - уште минатата година, испрати барање за негова екстрадиција и истото беше одбиено. Во прилог на ова е последниот доспис од 31 октомври 2019 година, од унгарското Министерство за правда, во коешто нè информираат дека по одбивањето на екстрадицијата, документите биле испратени во унгарското обвинителство. Унгарското Министерство за правда, исто така нè информираше дека Јавниот обвинител одлучил да не иницира кривична постапка, ниту било какви други мерки против Никола Груевски“, соопштија од Министерството за правда.

Ова следува откако партијата на Јове Кекеновски, ФРОДЕМ, побара информација за овој случај. Ова следуваше откако пред три дена на една од српските телевизии (Тв Српски колектив – национална јутјуб телевизија) претседателот на Републиканската партија на Србија, г-дин Никола Сандуловиќ, изнесе информација дека „Груевски е уапсен во Унгарија, а дека премиерот Заев нема храброст да побара негова екстрадиција“.

„ФРОДЕМ јавно го прашува премиерот дали оваа информација е точна и доколку е точна зошто Министерството за правда односно министерката Дескоска досега не побарала негово испорачување? Второ, доколку информацијата не е точна премиерот Заев има обврска оваа вест енергично да ја демантира бидејќи истата внесува немир и се поголема недоверба кај граѓаните во институциите на системот и сомнеж дека власта свесно не сака да го врати бегалецот од Будимпешта“, пишува ФРОДЕМ и додава дека сакаат да го потсетат премиерот Заев, дека Никола Сануловиќ е сериозен политичар кој бил во највисокото раководство на Демократската партија на Србија и близок соработник на убиениот премиер Џинџиќ, кој сигурно нема да си дозволи јавно да говори и да изнесува информации кои не се сигурни и претходно проверени. Дополнително, истиот тој Сандуловиќ заедно со претседателот на Републиканската партија на Косово Фатон Курти се едни од најголемите лобисти кај меѓународната заедница Зоран Заев да стане премиер на Република Македонија.

„Јавноста мора да дознае дали оваа информацијата е точна или не, бидејќи се работи за интерес на нашата држава осудените и пребегани политичари да бидат вратени, да си ја отслужат казната и да одговараат за другите дела за кои се обвинети. Второ, јавноста мора да знае што е точно, а што не, бидејќи на тој начин ќе се потврдат или демантираат сите гласини или евентуални шпекулации за наводниот договор помеѓу власта и Груевски за неговото бегство во Будимпешта. За надлежните органи кои го истражуваа бегството и кои за жал се под директна контрола на власта досега никој не е виновен и никој нема да сноси одговорност. Овие теледиригирани обвинители и истражители сигурно дека не смеат да ја откријат вистината бидејќи таа не и одговара и на власта и на опозицијата чиј лидер во сенка е бегалецот Груевски. Но, едно е јасно и сигурно. Бегството не можело да се случи доколку не постоело триото Груевски – Вучиќ – Орбан со знаење и соработка на нашите високи политички и полициски власти. Премиере Заев јавноста чека одговор од Вас“, напишаа од Фродем.

Пред една година Груевски успеа да избега во Будимпешта, каде доби статус на азилант.

(Н.Н.Ф.)


Можеби ќе ве интересира

Животот на Борче, живот ли е? Емотивна сторија за човекот кој има многу љубов

Животот на Борче, живот ли е? Емотивна сторија за човекот кој има многу љубов

Ново видео фрла сенка врз инцидентот во Битола: Полицаецот не нападнал прв?

Ново видео фрла сенка врз инцидентот во Битола: Полицаецот не нападнал прв?

Филипче жали за смртта на медицинската сестра: Изрази сочувство

Филипче жали за смртта на медицинската сестра: Изрази сочувство

Доктор нападнал колега во кумановската болница: Нападнатиот доктор избегал низ прозорецот!

Доктор нападнал колега во кумановската болница: Нападнатиот доктор избегал низ прозорецот!

Невреме со многу дожд беснее попладнево во земјава

Невреме со многу дожд беснее попладнево во земјава

Не може на секој компјутер или лаптоп: Објавени деталите за тоа каков уред им треба на децата за онлајн наставата

Не може на секој компјутер или лаптоп: Објавени деталите за тоа каков уред им треба на децата за онлајн наставата

Во Скопје не се смирува: Во земјава за еден ден нови 141 заболени

Во Скопје не се смирува: Во земјава за еден ден нови 141 заболени

Секоја минута една полициска казна: Полицајците во Гостивар во акција

Секоја минута една полициска казна: Полицајците во Гостивар во акција

Кукавичко и дрско претепување: „Нема правда“ на протестот во Битола

Кукавичко и дрско претепување: „Нема правда“ на протестот во Битола