Лекар работи на крузер, има плата од 9.000 евра
Објавено во: Финансии 18 Февруари, 2019
Жељко Пејаковиќ од Црна Гора пред девет години заминал на крузер.
Тој е специјалист по хирургија, и сега месечно заработува по девет црногорски плати, односно 9.000 евра.
Овој лекар вели дека бил жртва на мобинг на работно место, никој не го штител и на крајот останал без работа.
Бидејќи е од Котор, од пријател добил понуда да замине на брод.
Прво размислувал за Германија, но во 2010 година заминал на брод.
Објаснува дека договор за работа се потпишува на шест месеци.
„Почнав од почеток, за мене тоа беше непознато. Бродот е една конзерва во која има од 4.500 до 6.500 патници, од нив 1.200 до 2.000 се дел од посадата и ги опслужуваат гостите, а лекарот мора да се грижи за сите“, додава Пејаковиќ.
На бродот има и мала операциона сала. Вели дека во овие девет години имало различни случаи, но најтешко било кога имало луѓе со инфаркти, крварења, проблеми со бели дробови.