Ленче Ристоска: Оставката на Јанева не е поврзана со „Рекет“

Добивај вести на Viber

Се уште немаме информации дека лидерот на Специјалното јавно обвинителство (Катица Јанева) е опфатена со истрагата на ОЈО во случајот „Рекет“ и сите случаи да се расчистат, што е и во наш интерес, рече специјалната обвинителка Ленче Ристовска на денешниот брифинг со новинарите.

Додаде дека оставката која вчера Катица Јанева ја поднесе на чело на СЈо е чиста коинциденција и дека не е предизвикана од случајот „Рекет“ туку е одлука донесена во корист на изнаоѓање на законско решение за продолжување на статусот на СЈО.

Нагласи дека СЈО продолжува со својата работа и во име на сите обвинители и стручната служба вели дека институцијата же продолжи да работи на зачувување на интегритетот и смета дека последните случувања дека немаат влијание на останатите предмети. 

„Секогаш сме постапувале согласно законските прописи. Стоиме зад работата која сме ја завршиле, сите постапки продолжуваат и не се доведени во прашање. Нашето постапување е во рамките на законските прописи. Внимателно ги следиме случувањата и апелирам да се почитува начелото на пресумпција на невиност. Нашиот интегритет не е засегнат ниту во еден момент. Сите се еднакви пред Уставот и законите и ние стоиме позади тоа секој да одговара, но постапките мора да се почитуваат“, рече Ристоска.

Повика секое лице да ги пријави ваквите активности и како индивидуи и како институција дека СЈо е отворено за соработка.

„Тука сме да помогнеме да ги размениме доказите и информациите со останатите институции“, додава таа.