ЛИДЕРИ СМЕ ПО ЗАГАДЕН ВОЗДУХ: Скопје и денес е загадено

Организацијата на Обединетите нации објави дека луѓето во сите поголеми градови во регионот на Западен Балкан, вклучително и Скопје, се соочуваат со алармантно високо ниво на загадување на воздухот. 

Тоа го намалува очекуваниот животен век затоа што, како што велат, неразвиениот и политички кревок регион во голема мера се потпира на согорувањето на јагленот за производство на енергија.

Во извештајот стои дека луѓето во регионот се изложени на една од најголемите концентрации на загадувањето на воздухот во Европа, што е и до петпати поголема од националните и ЕУ-насоките.

Отсуството на обновливи извори на енергија е идентификувано како главна причина за загадувањето на воздухот на Балканот.

„Асошиетед прес“ наведува дека извештајот на Програмата за заштита на животната средина на ОН, кој денес е објавен, се базира врз податоците од 18 града и е подготвен во координација со Светската здравствена организација и институции за процена на квалитетот на воздухот од Србија, Албанија, Црна Гора и од Северна Македонија.

Скопје денеска е 25 најзагаден град во светот, покажуваат податоците на air visual. 

Џакарта во Индонезија денеска е најзагаден град во светот.