Лиле Поповска: Граѓаните гласаа против власта поради блокадите и неуспешните преговори со ЕУ
Објавено во: Македонија 19 Октомври, 2021
Лиле Поповска, поранешната пратеничка во пензија, вели дека по резултатите од првиот круг од локалните избори може да се заклучи дека граѓаните ја казниле најголемата владеачка партија поради блокадите на Македонија и неуспешните евроинтеграции.
„На овие избори граѓаните направија црта на собирано незадовослтво во последните неколку години. Тука можеме да се вратиме од 2018 година, од промената на уставното име, од многу неуспешни преговори со ЕУ, од разочарувањето што ЕУ иднината е затворена, блокирањето на Македонија и нашето постојано понижување на национален план. Ова е огромно незадволство кое сега е испорачано на овие избори. Практично многу луѓе гласаа за СДСМ бидејќи тие ветуваа могу промени. Мислам дека се покажа и зрелост кај граѓаните“, изјави поранешната претседателка на ДОМ за ТВ24.
Таа додаде дека и самата работа на градоначалниците на локално ниво е една од причините за многу послабиот резултат од оној на претходните избори во 2017.
„Од една страна ги наградија добрите градоначалници независно од која партија се, а ги казнија оние од кои не беа задоволни. Граѓаните гласа масовно и за останатите листи кои се составени од автентични борци.“, рече Поповска во „Студио 10“.