ЛИСТА НА ПРОСПЕРИТЕТ: Македонија паѓа, но една екс ју држава високо котира
Објавено во: Македонија 13 Февруари, 2018
Македонија годинава е рангирана на 56. место од 149 земји според индексот на просперитет.
Ова покажува дека глобалниот просперитет е на највисоко ниво од 2007 година наваму.
Македонија во 2016 година беше рангирана на 53. место, што значи дека за една година паднала за три места на листата.
Норвешка e на првото место на листата најпросперитетни земји во светот, според индексот на Институтот Легатум за 2017 година.
Нов Зеланд „падна“ на второто место.
Листата на петте најпросперитетни земји ја заокружуваат Финска, Швајцарија и Канада, а меѓу 25-те највисоко рангирани, од регионот се пласира Словенија на 20. место.
11-тиот по ред Индекс за просперитет открива неколку изненадувачки глобални, регионални и локални трендови во економската и општествената добросостојба, како алармантното влошување на глобалната безбедност и сѐ поголемиот јаз меѓу најпросперитетните и најмалку просперитетните земји.
Институтот Легатум од Лондон го составува индексот врз основа на 104 варијабли, како традиционалните вредности, стопанството, стапката на вработеност и слично.
Со истражувањето се опфатени 149 држави, кои беа поделени во групи според тоа кои се најдобри за бизнис, кои се најдружељубиви, каде има најубава природа.
Во првите 25 нема друга земја од Балканот освен Словенија.